Local news

ජනප්‍රිය රංගන ශිල්පී හේමාල් රණසිංහ වැල්ලවත්ත පොලීසිය විසින් අත්අඩංගුවට ගත්තේය.

සිනමා විචාරකයකුට පහරදීම සම්බන්ධයෙන් රංගන ශිල්පී හේමාල් රණසිංහ වැල්ලවත්ත පොලිසිය විසින් අත්අඩංගුවට ගත්තේය.

අත්අඩංගුවට ගත් රංගන ශිල්පී හේමාල් රණසිංහ අද (03) ගල්කිස්ස මහේස්ත්‍රාත් අධිකරණයට ඉදිරිපත් කළේය.

අධිකරණයට ඉදිරිපත් කිරීමෙන් අනතුරුව හේමාල් රණසිංහ රුපියල් ලක්ෂය බැගින් වූ ශරීර ඇපයක් මත මුදා හැරීමට ගල්කිස්ස මහේස්ත්‍රාත්වරයා නියෝග කළේය.

තවද මෙම නඩුව මැයි මස (14) වන දින නැවත කැඳවීමට නියමිතය.

එම පහරදීම ගැන සිදුකළ පැමිණිල්ල සම්බන්ධයෙන් පොලිසිය ඉදිරියේ පෙනී සිටින ලෙස හේමාල්ට අවස්ථා කිහිපයකදී දැනුම් දී තිබුණද, ඔහු එසේ නොකළ බව වාර්තා වේ.

මහින්ද රාජපක්ෂ ජනාධිපතිවරයා ලෙස කටයුතු කරන සමයේ ‘සිරිලිය’ නමින් පවත්වාගෙන ගිය ගිණුමක සිදුවූ බව කියන මූල්‍ය අක්‍රමිකතාවක් සම්බන්ධයෙන් කෙරෙන විමර්ශනයකට අනුව ශිරන්ති රාජපක්ෂ අද (03) පොලිස් මූල්‍ය අපරාධ කොට්ඨාශයට (FCID) කැඳවා තිබුණේය.

ඒ අනුව හිටපු ජනාධිපති මහින්ද රාජපක්ෂ සහ ඔහුගේ බිරිඳ වන ශිරන්ති රාජපක්ෂ අද (03) දින පොලිස් මූල්‍ය අපරාධ කොට්ඨාශය (FCID) හමුවට පැමිණියේය.

පොලිස් මූල්‍ය අපරාධ කොට්ඨාශය (FCID) හමුවට පැමිණි ශිරන්ති රාජපක්ෂ පැය 4කට වැඩි කාලයක් ප්‍රකාශයක් ලබාදීමෙන් පසුව මීට සුළු මොහොතකට පෙර පිටව ගොස් ඇත.

මේ අතර ශිරන්ති රාජපක්ෂ ඇතුළු තිදෙනෙකුගේ බද්ධ ගිණුමක් ලෙස රාජ්‍ය බැංකුවක සුදුවැල්ල ශාඛාවේ ‘සිරිලිය සවිය’ ගිණුම ආරම්භ කර ඇති අතර එම ගිණුම ආරම්භ කිරීමට ලිපිනය ලෙස ලබාදී ඇත්තේ “කාල්ටන් තංගල්ල” ලෙසයි.

මේ අතර රගර් ක්‍රීඩක වසීම් තාජුඩීන් ඝාතනයේ විමර්ශනයට අදාළවත් ‘සිරිලිය සවිය’ සඳහා බරපතළ චෝදනාවක් එල්ල විය.

වසීම් තාජුඩීන් ඝාතනයට අදාළව 2018 වසරේ සැප්තැම්බර් (20) වැනිදා අපරාධ පරීක්ෂණ දෙපාර්තමේන්තුව අධිකරණය⁣ට වාර්තා කළේ, ‘සිරිලිය සවිය’ පදනමේ WP KA 0642 දරන ඩිෆෙන්ඩර් රථයක් තජූඩීන් පැහැරගෙන යාමට භාවිත කර ඇති බවයි.

කෙසේ වෙතත් 2019 වසරේ ගෝඨාභය රාජපක්ෂ බලයට පත්වීමෙන් පසුව එම විමර්ශන සිදුකළ ජ්‍යෙෂ්ඨ පොලිස් අධිකාරී ශානි අබේසේකර ඇතුළු සියලුම නිලධාරීන් මාරු කිරීමට කටයුතු කළේය.

සෞඛ්‍ය සහ ජනමාධ්‍ය අමාත්‍ය වෛද්‍ය නලින්ද ජයතිස්ස විසින් හිටපු බස්නාහිර පළාත් සභා මන්ත්‍රී අජන්ත නිරෝෂන් පාදුක්ක වෙත රුපියල් බිලියනයක වන්දියක් ගෙවන ලෙස ඉල්ලා එන්තරවාසියක් යොමු කර ඇත.

2026 පෙබරවාරි (01) වැනිදා හෝ ඒ ආසන්න දිනකදී නිරෝෂන් පාදුක්ක විසින් පවත්වන ලද මාධ්‍ය සාකච්ඡාවකදී සිදුකළ ප්‍රකාශයක් සම්බන්ධව මෙම එන්තරවාසිය යොමු කර ඇත.

මාධ්‍ය සාකච්ඡාවේදී නිරෝෂන් පාදුක්ක විසින් අමාත්‍ය වෛද්‍ය නලින්ද ජයතිස්ස සම්බන්ධයෙන් සිදුකර ඇති ප්‍රකාශය පහතින් දැක්වෙයි.

අමාත්‍ය නලින්ද ජයතිස්ස මෙරට අසාධු ලේඛනගත (Blacklisted) ඖෂධ සමාගමක අයිතිකරුවෙකුගේ ණය කාඩ්පතක් (Credit Card) භාවිතා කර ඇති බවත් එම ණය කාඩ්පත භාවිතා කරමින් අමාත්‍යවරයා ඉන්දියාවේදී රුපියල් මිලියනයක පමණ භාණ්ඩ මිලදී ගෙන ඇති බවත් මෙම ගනුදෙනුව සම්බන්ධයෙන් අමාත්‍යවරයා වහාම කරුණු හෙළි කළ යුතු බවත් ඔහු ධුරයෙන් ඉල්ලා අස්විය යුතු බවයි.

නිරෝෂන් පාදුක්ක විසින් එල්ල කරන එම චෝදනා සම්පූර්ණයෙන්ම පදනම් විරහිත සහ අසත්‍ය බව අමාත්‍ය නලින්ද ජයතිස්ස සිය නීතිඥවරයා මාර්ගයෙන් අවධාරණය කර ඇත.

අමාත්‍ය නලින්ද ජයතිස්සගේ කීර්ති නාමයට මින් දැඩි හානියක් සිදුව ඇති බැවින් එම අපහාසාත්මක ප්‍රකාශය හේතුවෙන් සිදු වූ හානිය වෙනුවෙන් රුපියල් බිලියනයක මුදලක් මෙම එන්තරවාසියේ දින සිට (2026.02.02) දින 14ක් ඇතුළත ගෙවන ලෙස නිරෝෂන් පාදුක්කට දැනුම් දී ඇත.

තවද එම ගෙවීම පැහැර හැරියහොත් නීතිමය පොලිය සහ නඩු ගාස්තු සහිතව එම මුදල අය කර ගැනීමට අධිකරණ ක්‍රියාමාර්ග ගන්නා බවද එම ලේඛනය මගින් නිරෝෂන් පාදුක්කට දැනුම් දී ඇත.

ලෝක වෙළෙඳපොළ තුළ රන් මිල ඉහළ යාමත් සමඟ මෙරට රන් මිල රුපියල් 12,000කින් අද (03) දින ඉහළ ගොස් ඇත.

ඒ අනුව කැරට් 24ක රන් පවුමක මිල රුපියල් 380,000ක් දක්වා ඉහළ ගොස් ඇත

තවද කැරට් 22ක රන් පවුමක මිල රුපියල් 349,000ක් දක්වා ඉහළ ගොස් ඇත.

ජනප්‍රිය රංගන ශිල්පී හේමාල් රණසිංහ පොලීසිය විසින් අත්අඩංගුවට ගෙන ඇත.

පුද්ගලයෙක්ට සිදුකළ පහරදීමක් සම්බන්ධයෙන් ජනප්‍රිය රංගන ශිල්පී හේමාල් රණසිංහ අත්අඩංගුවට ගෙන ඇත.

එම පහරදීම ගැන සිදුකළ පැමිණිල්ල සම්බන්ධයෙන් පොලිසිය ඉදිරියේ පෙනී සිටින ලෙස හේමාල් රණසිංහට අවස්ථා කිහිපයකදී දැනුම් දී තිබුණද, ඔහු එසේ නොකළ බව වාර්තා වේ.