Local news

පසුගියදා දකුණු මුහුදේදී බහුදින ධිවර යාත්‍රා දෙකක් තුළ තිබී නාවික හමුදා භාරයට ගත් කිලෝග්‍රෑම් 280කට අධික මත්ද්‍රව්‍ය ප්‍රමාණයේ වටිනාකම රුපියල් මිලියන 4,500කට අධික බව සඳහන් වේ.

මේ පිළිබඳ අදහස් දක්වමින් නියෝජ්‍ය ආරක්ෂක අමාත්‍ය අරුණ ජයසේකර සඳහන් කර සිටියේ එම බහුදින ධීවර යාත්‍රාව තුළ ඇති මත්ද්‍රව්‍ය ප්‍රමාණය තවමත් ගණනය කරමින් පවතින බවය.

එහිදී සැකපිට නාවික හමුදා භාරයට ගත් බහුදින ධිවර යාත්‍රා දෙක සහ සැකකරුවන් 11 දෙනා මේ වන විට දික්ඕවිට ධීවර වරායට රැගෙනවිත් ඇති බව නාවික හමුදාව පවසයි.

නාවික හමුදාව විසින් දිගුදුර නෞකා යොදාගනිමින් මෙම බහුදින ධීවර යාත්‍රා දෙක සොයා විශේෂ මෙහෙයුමක් සිදුකර තිබුනේ පොලිසිය විසින් ලබා දුන් තොරතුරකට අනුවයි.

මත්ද්‍රව්‍ය ප්‍රවාහනය කරමින් තිබූ ඉන් එක් යාත්‍රාවක පුද්ගලයින් 5දෙනෙකු සහ අනෙක් යාත්‍රාවේ පුද්ගලයින් 6දෙනෙකු සිටි බව ද නාවික හමුදාව මාධ්‍ය ප්‍රකාශකවරයා පැවසුවේ‍ය.

මෙම යාත්‍රාවන්හි මත්ද්‍රව්‍යකිලෝ ග්‍රෑම් 270ක් පමණ ඇති බවට සැක කෙරේ.

නාවික හමුදා භාරයට ගත් යාත්‍රා දෙක සහ සැකකරුවන් 11 දෙනා ඉදිරි නීතිමය කටයුතු සඳහා පොලිස් මත්ද්‍රව්‍ය නාශක කාර්යාංශය වෙත භාරදීමට නියමිතය.

විදෙස්ගතව සැඟව සිටි සංවිධානාත්මක අපරාධකරුවෙකු ඉන්දියාවේ සිට ගුවන් මගින් අද (24) පස්වරුවේ මෙරටට රැගෙන ආවේය.

අත්අඩංගුවට ගත් මෙම සැකකරු අවුරුදු 34ක් වූ කෙසෙල්වත්ත ප්‍රදේශයේ පදිංචිකරුවෙක් බව පොලීසිය සඳහන් කරයි.

මෙම සැකකරුට එරෙහිව මනුෂ්‍ය ඝාතන, කොල්ලකෑම් සහ මත්ද්‍රව්‍ය සන්තකයේ තබා ගැනීම පිළිබඳව චෝදනා එල්ල වී ඇති බව පොලීසිය සඳහන් කරයි.

සැකකරු රැගෙන ඒමෙන් පසුව කටුනායක ගුවන් තොටුපොලේදී අපරාධ පරීක්ෂණ දෙපාර්තමේන්තුවේ නිලධාරීන් විසින් සිය භාරයට ගෙන ඇති අතර ඉදිරි විමර්ශන සඳහා කෙසෙල්වත්ත පොලීසිය වෙත භාරදීමට පියවර ගෙන ඇත.

විපක්ෂ නායක සජිත් ප්‍රේමදාස මහතා අධ්‍යාපනය සම්බන්ධ විශේෂඥයන් සහ පාර්ශ්ව සමග විපක්ෂ නායක කාර්යාලයේ දී පැවැති හමුවකදී පැවසූවේ Smart board, computers නැති පාසල්වලට සක්වල වැඩසටහන හරහා ඒවා ලබා දී ඉංග්‍රීසි, හින්දි, චීන, ජපන් භාෂා ඇතුළු තවත් භාෂා මෙන්ම STEAM education ඇතුළු පැතිකඩවලට යොමුවිය යුතු බවට මුලින්ම පැවසුවේ සමගි ජන බලවේගය බවයි.

මෙහිදී විපක්ෂනායකවරයා අදාළ කණ්ඩායම සමඟ අධ්‍යාපන ප්‍රතිසංස්කරණ සම්බන්ධයෙන් ද දීර්ඝ වශයෙන් සාකච්ඡාවට ලක් කර තිබේ.

විපක්ෂ නායකවරයා වැඩිදුරටත් පැවසූවේ මෙම අධ්‍යාපන ප්‍රතිසංස්කරණ ක්‍රියාත්මක කිරීමට විපක්ෂයේ අකමැත්තක් නොමැති බවත් Green Paper, White Paper හරහා මේ වැඩකටයුතු ක්‍රියාත්මක කරන ලෙස පැවසුවේ සමගි ජන බලවේගය බවත් ය.

එමෙන්ම විපක්ෂයකට ආණ්ඩුවේ ප්‍රතිසංස්කරණ නතර කරන්න බලයක් නොමැති බවත් සමගි ජන බලවේගය කිසිදා ජනතාව පාරට බස්සවා එවැනි දේ සිදු නොකරන බවද මෙහිදී ඔහු අවධාරණය කර සිටියේය.

එහිදී විපක්ෂ නායකවරයාවරයා සඳහන් කළේ ගුරු පුහුණු ගැටලු, තාක්ෂණික ගැටලු ආදිය මගහරවා ගනිමින් 2027 දී මෙම ප්‍රතිසංස්කරණ සිදු කිරීම ජනාධිපතිවරයා ගත් තීන්දුවක් මිස විපක්ෂය ඊට සම්බන්ධ නොමැති බවය.

Buddy net යන වෙබ් අඩවිය සහිත මොඩියුලය හදන්න විපක්ෂය සම්බන්ධ නැති බවත් ස්ථාන 12ක් මගින් මේ මොඩියුලය පරීක්ෂා කරන බවත් එවැනි ආකාරයට නිර්මාණය වූ මෙවැනි මොඩියුල සුදුසුද නැද්ද කියා දෙමාපියන්ම තීරණය කළ යුතු බවත් විපක්ෂ නායකවරයා තවදුරටත් මෙහිදී සඳහන් කර සිටියේය.

පාර්ලිමේන්තුවේ නියෝජ්‍ය මහ ලේකම් හා කාර්ය මණ්ඩල ප්‍රධානි ජ්‍යෙෂ්ඨ නීතීඥ ජී.කේ.ඒ. චමින්ද කුමාර කුලරත්න වැඩ තහනමකට ලක්ව ඇත.

නීතීඥ ජී.කේ.ඒ. චමින්ද කුමාර කුලරත්නගේ පත්වීම සම්බන්ධයෙන් මතුව ඇති ගැටලුකාරී තත්ත්වයක් මත මෙම තීරණය ගෙන ඇත.

ඊයේ (23) දින සිට ක්‍රියාත්මක වන පරිදි මෙම වැඩ තහනම ක්‍රියාත්මක වන බව වාර්තා වේ.

පසුගිය 2023 සැප්තැම්බර් (15) දින සිට ක්‍රියාත්මක වන පරිදි නීතීඥ ජී.කේ.ඒ. චමින්ද කුමාර කුලරත්න මෙම ධුරයේ රාජකාරි කරනු ලැබීය.

ඊයේ (23) දින වෛද්‍යවරුවන් ආරම්භ කර ඇති වැඩවර්ජනය අද (24) දිනයේත් ක්‍රියාත්මක බව රජයේ වෛද්‍ය නිලධාරීන්ගේ සංගමය සඳහන් කරයි.

තම ගැටලු සම්බන්ධයෙන් ආණ්ඩුව මේ වන තෙක් යහපත් ප්‍රතිචාරයක් දක්වා නොමැති බව එම සංගමයේ මාධ්‍ය ප්‍රකාශක චමිල් විජේසිංහ සඳහන් කරයි.

පැය 48ක වර්ජනයෙන් පසුවත් වර්ජනය තවදුරටත් දීර්ඝ කරන්නේ ද යන්න සම්බන්ධයෙන් සඳුදා තීරණයක් ගැනීමට නියමිත බවද එම සංගමයේ මාධ්‍ය ප්‍රකාශක චමිල් විජේසිංහ සඳහන් කරයි.

කෙසේ වෙතත් මෙම හදිසි වැඩවර්ජනය හේතුවෙන් දිවයින පුරා රෝගීන් දැඩි ලෙස පීඩාවට මෙන්ම අසරණ තත්ත්වයට පත්ව ඇත.

ජාතික ළමා ආරක්ෂක අධිකාරිය විසින් ළමා අපයෝජන සිදුවීම් වලට අදාළව මහාධිකරණවල ගොනුකර ඇති නඩු පිළිබඳව වාර්තාවක් නිකුත් කර ඇත.

2026 වසරේ ජනවාරි වනවිට ළමා අපයෝජන සම්බන්ධයෙන් මහාධිකරණවල ගොනුකර ඇති නඩු සහ මේ මාසයේ කැඳවීමට නියමිත නඩු සම්බන්ධයෙන් තොරතුරු එම වාර්තාවේ දැක්වෙන බව එහි සභාපති ප්‍රීති ඉනෝකා රණසිංහ සඳහන් කළාය.

2026 වනවිට ළමා අපයෝජන සිදුවීම් සම්බන්ධයෙන් දිවයිනේ මහාධිකරණවල ගොනුකර ඇති නඩු සංඛ්‍යාව 4,289ක් වන අතර එම නඩු අතරින් නඩු 1,683ක් මේ මාසයේ කැඳවීමට නියමිතව ඇතැයි ජාතික ළමාරක්ෂක අධිකාරිය නිකුත් කර ඇති වාර්තාවේ දැක්වේ.

වැඩිම ළමා අපයෝජන සිදුවීම් සම්බන්ධයෙන් වන නඩු 442ක් ගොනුකර ඇත්තේ, ගාල්ල මහේස්ත්‍රාත් අධිකරණයේ වන අතර ඒ අතරින් නඩු 101ක් මේ මාසය තුළ ගාල්ල මහාධිකරණයේදී කැඳවීමට නියමිතය.

කුරුණෑගල මහාධිකරණයේ නඩු 423ක්, මහනුවර මහාධිකරණයේ නඩු 414ක්, බදුල්ල 206ක්, ගම්පහ 220ක්, කළුතර 229ක්, කෑගල්ල 206ක්, මාතර 216ක් වශයෙන් ළමා අපයෝජනවලට එරෙහිව නඩු ගොනුකර ඇතැයි ජාතික ළමාරක්ෂක අධිකාරිය සඳහන් කරයි.

LUCKY1.LK – නිල මාධ්‍ය නිවේදනය

ශ්‍රී ලංකාවේ ප්‍රමුඛතම ඩිජිටල් ලොතරැයි වේදිකාව පිළිබඳ විශ්වාසය තවදුරටත් තහවුරු කරමින් ජාතික ලොතරැයි මණ්ඩලය Lucky1.lk සමඟ සිය ඩිජිටල් වෙළඳ නියෝජිත ගිවිසුම නැවත දීර්ඝ කරයි

ශ්‍රී ලංකාවේ අංක 01 ඩිජිටල් ලොතරැයි වේදිකාව

ශ්‍රී ලාංකිකයන්ගේ ජය මාවත විප්ලවීය ලෙස වෙනස් කරමින් සම්ප්‍රදායෙන් ඩිජිටල් අවකාශය වෙත ජාතික ලොතරැයි මණ්ඩලය (NLB) තම අනුමත ඩිජිටල් වෙළඳ නියෝජිතයා ලෙස අඛණ්ඩව හයවැනි වසරටත් Lucky1.lk වෙබ් අඩවිය සමඟ නැවතත් අත්වැල් බැඳගනී. ඒ ශ්‍රී ලංකාවේ ප්‍රමුඛතම ඩිජිටල් ලොතරැයි වේදිකාව ලෙස Lucky1.lk පිළිබඳ විශ්වාසය, ආරක්ෂිත බව, පැහැදිලි හා දියුණු තාක්ෂණික සේවාව කෙරෙහි ජාතික ලොතරැයි මණ්ඩලයේ විශ්වාසය නැවත තහවුරු කරමින්.

2019 වසරේ ආරම්භ කරන ලද DigitalX (පුද්ගලික) සමාගම විසින් බලගන්වනු ලබන Lucky1.lk විශ්වාසනීයත්වය, නව්‍යතාව සහ පාරිභෝගික සේවාව යන කරුණු මත පදනම්ව, ශ්‍රී ලංකාවේ විශ්වාසය වැඩි වශයෙන් දිනාගත් ඩිජිටල් ලොතරැයි වේදිකාව බවට පත්ව සිටී.

සම්ප්‍රදාය හා නව්‍යතාව එකට එක් කරමින් Lucky1.lk වෙබ් අඩවිය අකුරු, රාශි සංකේත හෝ අංක අනුව ‘Search & Buy’ පහසුකම් සපයයි. ටිකට්පත් SMS හරහා හෝ ක්‍රෙඩිට් / ඩෙබිට් කාඩ්පත් භාවිතයෙන් මිලදී ගත හැකි අතර, ප්‍රතිඵල හා ජයග්‍රහණ පිළිබඳ විස්තර පාරිභෝගිකයින්ගේ ජංගම දුරකථන වෙත සෘජුවම යොමුකරනු ලැබේ. Lucky1.lk වෙබ් අඩවිය Dialog, Mobitel සහ Hutch ජාලයන් හරහා ජංගම දුරකථන ගාස්තු අය කිරීම් (mobile charging) සක්‍රීය කර ඇති ශ්‍රී ලංකාවේ ලොතරැයි වේදිකා අතරින් එකකි. ලියාපදිංචිය නොමිලේ වන අතර, ස්වයංක්‍රීය ටිකට් මිලදී ගැනීම සඳහා දෛනිකව විකල්ප දායකත්වයක් ද ලබාගත හැක.

Lucky1.lk ලොතරැයි ටිකට්පත් Daraz වෙබ් අඩවිය හරහා ද ලබා ගත හැකි අතර, ඒ අනුව ශ්‍රී ලංකාවේ ප්‍රමුඛතම e-commerce වේදිකාවක් හරහා නිල NLB ටිකට්පත් මිලදී ගැනීමට ද පාරිභෝගිකයින්ට හැකියාව ලැබේ.

මෙම වේදිකාව සතිපතා වටිනා ජයග්‍රහණ ත්‍යාග ලබා දෙන අතර, සාමාන්‍යයෙන් සතියකට රුපියල් මිලියන 14කට ආසන්න මුදලක් බෙදාහරී. දෛනික දිනුම් ඇදීම් (draws) මඟින් නිතර ජයග්‍රහණ අවස්ථා සලසයි. තාක්ෂණයට පමණක් සීමා නොවී, විශේෂ අවශ්‍යතා ඇති පුද්ගලයින්ටත් විදේශගත ශ්‍රී ලාංකිකයන්ටත් ආරක්ෂිතව සහ පහසුවෙන් සහභාගී වී ජයග්‍රහණ ලබා ගැනීමට Lucky1.lk හරහා ඉඩ සැලසීම විශේෂිතයි.

NLB විසින් සිය අනුමත ඩිජිටල් වෙළඳ නියෝජිතයා ලෙස මෙම ගිවිසුම නැවත දීර්ඝ කිරීම, ශ්‍රී ලංකාවේ ලොතරැයි කර්මාන්තය වඩා ප්‍රවේශවීමේ පහසුව සහිත මෙන්ම පැහැදිලි සහ හෙට දිනටත් සූදානම් වේදිකාවක් බවට පත් කිරීමට Lucky1.lk දක්වන කැපවීම පැහැදිලි කරයි.

වැඩිදුර තොරතුරු සඳහා www.lucky1.lk වෙත පිවිසෙන්න නැතිනම් 0117 989 989 අංකය අමතන්න.