පසුගියදා බලය රූපවාහිනී වැඩසටහන අතරතුර දී ජවිපෙ නියෝජිත නලින් හේවගේ විසින් 88 -89 භීෂණ සමයේ දී ඝාතනයට ලක්වූ පුද්ගලයන් සම්බන්ධයෙන් අවමන් සහගත ප්රකාශයක් සිදුකළ බවට විරෝධය පළකරමින් නව ජනතා පෙරමුණ අද (29) පැලවත්ත ජනතා විමුක්ති පෙරමුණ ප්රධාන කාර්යාලය ඉදිරිපිට දී උද්ඝෝෂණයක් සංවිධානය කර තිබුනි.
එම විරෝධතාවට සහභාගී වූ පිරිස කියා සිටියේ, 88-89 සමයේ දෑස් පනාපිට ඝාතනය වූයේ ස්ත්රී දූෂකයින්, කසිප්පුකාරයින්, හොරුන් වැනි පුද්ගලයන් නොව සමාජ සේවකයින්, සමාජයේ වැඩදායී පුද්ගලයන් බවයි.
එමෙන්ම අතීතයේ රටේ විද්වතුන්, මාධ්යෙව්දීන්, ස්වාමීන් වහන්සේලා ඝාතනය කළ ජවිපෙ රටේ බලය ඇල්ලීමට උත්සාහ කරමින් සිටින බවද විරෝධතා කරුවන් ප්රකාශ කළහ.