යුද්ධ කරමින් මරණය සහ ලේ දකින්න කැමති උන්මත්තක පාලකයින් සහ ඔවුන්ට උදව් කරන පුද්ගලයින් අතර අමෙරිකා එක්සත් ජනපද ජාතික ත්රස්ත මර්දන මධ්යස්ථානයේ හිටපු ප්රධානී ජෝසප් කෙන්ට් දවසක ඉතිහාසගත වේවි.
එක්සත් ජනපද ජාතික ත්රස්ත මර්දන මධ්යස්ථානයේ ප්රධානී ජෝසප් කෙන්ට් ට්රම්ප් පරිපාලනය සිදුකරන ඉරාන යුද්ධය පදනම් කරගෙන සිය ධුරයෙන් ඉල්ලා අස්විය.
ජෝසප් කෙන්ට් යනු, 2025 ජූලි සිට 2026 මාර්තු දක්වා ජාතික ත්රස්ත විරෝධී මධ්යස්ථානයේ (NCTC) අධ්යක්ෂ ලෙස සේවය කළ, සම්මානලාභී හිටපු එක්සත් ජනපද හමුදා විශේෂ බලකායේ නිලධාරියෙකු සහ CIA පැරාමිලිටරි නිලධාරියෙකි.
වසර 20ක හමුදා ප්රවීණයෙකු වන කෙන්ට්, ග්රීන් බෙරෙට් ලෙස සේවය කළ අතර මැද පෙරදිග සටන් යෙදවීම් 11ක් සම්පූර්ණ කළ අතර ලෝකඩ තරු හයක් ලබා ගත්තේය. ඔහු 2018 වසරේදී හමුදාවෙන් විශ්රාම ගැනීමෙන් පසුව CIA හි විශේෂ ක්රියාකාරකම් මධ්යස්ථානයේ පැරාමිලිටරි නිලධාරියෙකු ලෙස සේවය කළේය.
නාවික හමුදා ගුප්ත විද්යා කාර්මික ශිල්පිනියක වන ඔහුගේ බිරිඳ ෂැනන් කෙන්ට් පසුගිය 2019 වසරේදී සිරියාවේ ISIS මරාගෙන මැරෙන බෝම්බ ප්රහාරයකින් මිය ගියේය.
ජනාධිපති ට්රම්ප් යටතේ NCTC හි 08 වන අධ්යක්ෂවරයා ලෙසත් ප්රධාන ත්රස්ත විරෝධී උපදේශකයෙකු ලෙසත් සේවය කළ අතර 2025 මුල් භාගයේදී ජාතික බුද්ධි අධ්යක්ෂ තුල්සි ගැබාර්ඩ්ගේ මාණ්ඩලික ප්රධානියා ලෙසද සේවය කළේය.
කෙසේ වෙතත් 2026 මාර්තු (17) වන දින, කෙන්ට් ඉල්ලා අස්වූ අතර ජනාධිපති ට්රම්ප් වෙත ලිපියක් යවමින් කියා සිටියේ ඉරානයේ යුද්ධයට “හෘද සාක්ෂියක් ඇතුව” සහාය දිය නොහැකි බවත් එය අනවශ්ය බවයි.
ඉරානයේ යුද්ධය හේතුවෙන් ට්රම්ප් පරිපාලනයෙන් ඉල්ලා අස්වූ පළමු ජ්යෙෂ්ඨ නිලධාරියා වන අතර ඔහු විශේෂ ප්රකාශයක් කරමින් ඉල්ලා අස්විය.
“ඉරානයට එරෙහිව සිදුවෙමින් පවතින යුද්ධයට මට යහපත් හෘද සාක්ෂියක් ඇතුව සහාය දිය නොහැක. ඉරානය අපේ ජාතියට කිසිදු තර්ජනයක් එල්ල නොකළ අතර අපි මෙම යුද්ධය ආරම්භ කළේ ඊශ්රායලයේ සහ එහි බලගතු ඇමරිකානු කණ්ඩායමක පීඩනය නිසා බව පැහැදිලියි.”
“ට්රම්ප් පරිපාලනයේ මුල් අවධියේදී, ඉහළ පෙළේ ඊශ්රායල නිලධාරීන් සහ ඇමරිකානු මාධ්යවල බලගතු සාමාජිකයින් යුද්ධය පිළිබඳව මතයන් පතුරුවා ඉරානය සමඟ යුද්ධයක් දිරිගැන්වීම සඳහා යුද්ධයට පක්ෂ හැඟීම් වැපිරූවා. ඒ සඳහා වැරදි තොරතුරු ව්යාපාරයක් දියත් කළා.”
‘ඉරානය එක්සත් ජනපදයට ආසන්න තර්ජනයක් එල්ල කරන බව විශ්වාස කිරීමට අපව පෙළඹ වුවා. ඔවුන් පැවසුවේ, ඔබ දැන් ඉරානයට පහර දුන්නොත්, ඉක්මන් ජයග්රහණයකට පැහැදිලි මාවතක් තිබෙනවා, කියයි. මෙය බොරුවක්.”
“අපගේ ජාතියට අපගේ හොඳම පිරිමින් සහ ගැහැනුන් දහස් ගණනකගේ ජීවිත අහිමි කළ විනාශකාරී ඉරාන යුද්ධයට අපව ඇද ගැනීමට ඊශ්රායල ජාතිකයන් භාවිතා කළ උපක්රමයම එයයි. අපට නැවතත් මෙම වැරැද්ද කළ නොහැක.”
