අමෙරිකානු වෙළෙඳ ප්‍රතිපත්තියට එරෙහිව කැනඩාව කටයුතු කිරීම හේතුවෙන් අමෙරිකානු ජනාධිපති ඩොනල්ඩ් ට්‍රම්ප් 50%ක නව තීරු බද්දක් පනවා ඇත.
ඒ අනුව කැනඩාවෙන් අමෙරිකාවට ආනයනය කරන භාණ්ඩ සඳහා 50%ක නව තීරු බද්දක් පනවා ඇති අතර අදාළ බදු පැනවීම දින 30ක් ඇතුළත ක්‍රියාත්මක කිරීමට නියමිත බව විදෙස් මාධ්‍ය වාර්තා කරයි.
අමෙරිකාවේ මෝටර් රථ, කිරි නිෂ්පාදන සහ මත්පැන් ඇතුළු භාණ්ඩ පිළිබඳව කැනඩාව අසාධාරණ ලෙස කටයුතු කරන බවට චෝදනා කරන අතර ඊට ප්‍රතිචාර වශයෙන් වයින් සහ හොකී පිති වැනි එදිනෙදා පාරිභෝගික භාණ්ඩ වලට මෙන්ම සිමෙන්ති ඇතුළු කාර්මික භාණ්ඩද නව තීරුබදු වලට යටත් වේ.
කැනඩාව – අමෙරිකාව සහ මෙක්සිකෝව අතර නිදහස් වෙළඳ ගිවිසුමෙන් ආවරණය වන භාණ්ඩ වලට පවා නව තීරුබදු බලපෑම් එල්ල කිරීම විශේෂත්වයක් වන අතර දැනටමත් කැනේඩියානු යකඩ, ඇලුමිනියම් සහ තඹ ඇතුළු භාණ්ඩ සඳහා අමෙරිකාව පැනවූ 15% – 50%ත් අතර තීරු බදු ක්‍රියාත්මකය.
