Foreign news

සති දෙකක සටන් විරාමය තවදුරටත් දීර්ඝ කිරීමට තමාට නොහැකි බව අමෙරිකානු ජනාධිපති ඩොනල්ඩ් ට්‍රම්ප් සඳහන් කරයි.

කඩිනමින් එකඟතාවයකට පැමිණීමට අපොහොසත් වුවහොත් ඉරානයට යළි බෝම්බ හෙලීම ආරම්භ කරන බව ජනාධිපති ඩොනල්ඩ් ට්‍රම්ප් සඳහන් කරයි.

තමා ඉදිරියේදී බෝම්බ ප්‍රහාර අපේක්ෂා කරන බවත් අමෙරිකානු හමුදාව ඒ සඳහා දැඩි සූදානමකින් සහ උනන්දුවකින් පසුවන බවද ජනාධිපති ඩොනල්ඩ් ට්‍රම්ප් සඳහන් කරයි.

පීඩන හමුවේ සාකච්ඡා කිරීමට සූදානමක් නොමැති බව ඉරාන පාර්ලිමේන්තු කථානායක මොහොමඩ් බාකර් ගාලිබාෆ් සඳහන් කරයි.

ජනාධිපති ඩොනල්ඩ් ට්‍රම්ප් විසින් තර්ජන කිරීම සහ සටන් විරාම උල්ලංඝනය කිරීම් හරහා සිය රාජ්‍ය තාන්ත්‍රිකභාවයට හානි කරන බවද කථානායක මොහොමඩ් බාකර් ගාලිබාෆ් සඳහන් කරයි.

පවතින නොසන්සුන්තාව තවදුරටත් උත්සන්න වුවහොත් යුද පිටියේදී නව උපාය මාර්ග එළිදැක්වීමට ඉරානය සූදානම් වී සිටින බවද කථානායක මොහොමඩ් බාකර් ගාලිබාෆ් සඳහන් කරයි.

සිය “x” ගිණුමෙහි සටහනක් තබමින් කථානායක මොහොමඩ් බාකර් ගාලිබාෆ් මේ බව සදහන් කරයි.

කෙසේ වෙතත් එම චෝදනාවත් සමඟ ඉරානය සහ අමෙරිකාව අතර නොසන්සුන්තාව දැඩි ලෙස උත්සන්න වී ඇති බව විදෙස් මාධ්‍ය වාර්තා කරයි.

අමෙරිකානු ජනාධිපති ඩොනල්ඩ් ට්‍රම්ප් විසින් ඉරානයට එරෙහිව යුදමය ක්‍රියාමාර්ග ගැනීමට ඊශ්‍රායලය තමා පොළඹවා ගත් බවට එල්ල වන චෝදනා ප්‍රතික්ෂේප කර ඇත.

ඊශ්‍රායල අග්‍රාමාත්‍ය බෙන්ජමින් නෙතන්යාහු විසින් අමෙරිකානු ජනාධිපතිවරයාගේ තීරණ වලට බලපෑම් කර ඇති බවට පළ වූ මාධ්‍ය වාර්තා සහ දක්ෂිණාංශික දේශපාලන විචාරකයින්ගේ විවේචන හමුවේ ට්‍රම්ප් මෙම පැහැදිලි කිරීම සිදුකර ඇත.

“මම මෙම ව්‍යාජ පුවත් සහ මත විමසුම් දෙස බලන්නේ දැඩි පිළිකුලකින්. ඔවුන් පවසන දේවලින් 90%ක්ම බොරු සහ ගොතන ලද කතා. 2020 ජනාධිපතිවරණය මෙන්ම මෙම මත විමසුම් ද දූෂිතයි.”

සිය Truth Social ගිණුම ඔස්සේ සටහනක් තබමින් අමෙරිකානු ජනාධිපතිවරයා මේ බව සඳහන් කර ඇත.

රික්ටර් මාපකයේ 8ක් හෝ ඊට වැඩි ප්‍රබලත්වයකින් යුත් දැවැන්ත භූකම්පනයක් ඇතිවීමේ අවදානමක් ගැන ජපාන රජය විසින් අනතුරු ඇඟවීමක් නිකුත් කර ඇත.

ජපානයේ උතුරු ප්‍රදේශයට අද (20) බලපෑ රික්ටර් මාපක 7.7ක ප්‍රබලවයෙන් යුත් භූකම්පනයෙන් අනතුරුව මෙම අනතුරු ඇඟවීම නිකුත් කර ඇත.

ජපානයේ ඊසානදිග වෙරළ තීරයට ඔබ්බෙන් රික්ටර් මාපකයේ 7.4ක භූමිකම්පාවක් ඇති වූ බව ජපාන කාලගුණ විද්‍යා ඒජන්සිය සඳහන් කරයි.

ඒ අනුව ඉවාට්, අමෝරි සහ හොක්කයිඩෝ ප්‍රාන්තවල මීටර් 3 (අඩි 9.84) ක් තරම් උස සුනාමියක් ඇති විය හැකි බවට මේ වනවිට අනතුරු ඇඟවීමක් නිකුත් කර ඇත.

භූමිකම්පාවේ කේන්ද්‍රය පැසිෆික් සාගරයේ සිදු වූ අතර එය කිලෝමීටර 10ක් ගැඹුරු බව වාර්තා වේ.

ටෙහෙරානය කිසි විටෙකත් හෝමූස් සමුද්‍ර සන්ධියේ (Strait of Hormuz) පාලනය අත් නොහරින බව ඉරාන බලධාරීන් සඳහන් කර ඇත.

හෝමූස් සමුද්‍ර සන්ධිය ඉරානයට උපායමාර්ගිකව ඉතා වැදගත් වන බැවින් එහි පාලනය කිසිදු පාර්ශවයකට පවරා නොදෙන බවද ඉරාන බලධාරීන් අවධාරණය කර ඇත.

මේ අතර අමෙරිකාව සහ ඊශ්‍රායලය සමඟ පවතින ගැටුම් හමුවේ හෝමූස් සමුද්‍ර සන්ධිය අවහිර කිරීම දිගටම කරගෙන යන බව ඉරානයේ නව උත්තරීතර නායක මොප්තාබා කමේනි සඳහන් කර ඇත.

ලොව තෙල් ප්‍රවාහනයෙන් සැලකිය යුතු ප්‍රමාණයක් සිදුවන මෙම මාර්ගය අවහිර වීම හේතුවෙන් ලෝක වෙළඳපොලේ තෙල් මිල ඉහළ යාමේ දැඩි අවදානමක් මතුව ඇත.

ඉරාන වරායක් දෙසට යාත්‍රා කරමින් තිබු නෞකාවක් අමෙරිකානු නාවික හමුදා භාරයට ගැනීම සම්බන්ධව ඉරානය නිවේදනයක් නිකුත් කර ඇත.

මෙම සිදුවීම සටන් විරාමය උල්ලංඝනය කිරීමක් බවත් සහ මෙය සන්නද්ධ මුහුදු කොල්ලකෑමේ ක්‍රියාවක් වන බව ඉරානය සඳහන් කරයි.

ඒ අනුව අමෙරිකානු නාවික හමුදාවේ මෙම සන්නද්ධ මුහුදු කොල්ලකෑමේ ක්‍රියාවට ඉරාන ඉස්ලාමීය ජනරජයේ සන්නද්ධ හමුදා ඉක්මනින් ප්‍රතිචාර දක්වනු ඇති බවට ඉරානය අමෙරිකාවට අනතුරු අඟවා ඇත.

අමෙරිකාව සටන් විරාමය උල්ලංඝනය කරමින් ඕමාන් මුහුදේදී ඉරානයේ වාණිජ නෞකාවකට වෙඩි තබා එහි නාවික පද්ධතිය අක්‍රීය කර ඇති බව ඉරානයේ ඉහළම හමුදා මූලස්ථානය වන කටම් අල් – අන්බියා හී ප්‍රකාශකයෙකු සඳහන් කරයි.

හමුදා නියෝග වලට අවනත නොවූ ඉරානයේ ටූස්කා (TOUSKA) භාණ්ඩ ප්‍රවාහන නෞකාව අමෙරිකානු සෙබළුන් ග්‍රහණයට ගත් බව අමෙරිකානු ජනාධිපති ඩොනල්ඩ් ට්‍රම්ප් සඳහන් කරයි.

එම නෞකාවට නතර කරන ලෙසට අනතුරු අඟවා තිබූ නමුත් ඊට ප්‍රතිචාර නොදැක්වීමෙන් පසුව අමෙරිකානු නාවික හමුදාව විසින් මෙම නෞකාව අල්ලා ගනු ලැබූ බව ජනාධිපති ඩොනල්ඩ් ට්‍රම්ප් සඳහන් කරයි.

නෞකාවට නතර කරන ලෙසට දැනුම් දුන්නද එය නොතකා ඔවුන් යාත්‍රා කිරීම හේතුවෙන් නෞකාවේ එන්ජින් කාමරයට ප්‍රහාරයක් එල්ල කර එය නැවැත්වු බව ජනාධිපති ඩොනල්ඩ් ට්‍රම්ප් සඳහන් කරයි.

සිය Truth Social ගිණුමේ සටහනක් තබමින් ජනාධිපති ඩොනල්ඩ් ට්‍රම්ප් මේ බව සඳහන් කරයි.

මැදපෙරදිග යුද ගැටුම් සම්බන්ධයෙන් පාකිස්ථානයේ පැවැත්වෙන සාම සාකච්ඡා සඳහා අමෙරිකානු උප ජනාධිපති ජේ ඩී වෑන්ස්, විශේෂ නියෝජිත ස්ටීව් විට්කොෆ්, සහ අමෙරිකානු ජනාධිපති උපදේශක ජෙරඩ් කුෂ්නර් සහභාගී වන බව ධවල මන්දිරය නිවේදනය කරයි.

මේ අතර පාකිස්ථානයේ ඉස්ලාමාබාද්හිදී පැවැත්වෙන සාම සාකච්ඡා සඳහා සිය නියෝජිත කණ්ඩායමක් යැවීමට තවමත් තීරණය කර නොමැති බව ඉරානය සඳහන් කරයි.