Foreign news

අමෙරිකාව විසින් ඉරානයේ ඉදිකෙරෙමින් පවතින න්‍යෂ්ටික බලාගාරයකට පහර දී ඇති බව විදෙස් මාධ්‍ය වාර්තා කරයි.

ඩාකෝවින් නැමැති අදාළ බලාගාරය ඉලක්ක කිරීම සහ ඉරානයේ සාමකාමී යටිතල පහසුකම්වලට එල්ල වූ භයානක තර්ජනයක් බව එරට නියෝජ්‍ය විදේශ අමාත්‍ය කසීම් ගරිබබාදි සඳහන් කරයි.

අනාරක්ෂිතභාවය සහ අස්ථාවරත්වය ඉහළ යාමෙන් ඇතිවන ප්‍රතිවිපාක වලට අමෙරිකානු රජය සම්පූර්ණයෙන්ම වගකිවයුතු බවද නියෝජ්‍ය විදේශ අමාත්‍ය කසීම් ගරිබබාදි සඳහන් කරයි.

මේ අතර අදාළ බලාගාරය ඉදිකිරීම්වල මුල් අවධියේ පවතින බවත් ප්‍රහාරයෙන් විකිරණ කාන්දුවක් නොමැති බව ජාත්‍යන්තර පරමාණුක බලශක්ති ඒජන්සිය සඳහන් කරයි.

ඉතිහාසයේ මෙතෙක් කිසිදු ක්‍රීඩකයෙකු නොතැබූ සුවිශේෂී වාර්තාවක් තමන් සතු කර ගැනීමට ප්‍රංශයේ සුපිරි පාපන්දු ක්‍රීඩක කිලියන් එම්බාපේ (Kylian Mbappe) සමත්ව ඇත.

ඒ අනුව 2026 FIFA ලෝක කුසලාන තරගාවලියේ වැඩිම ගෝල ලාභියාට හිමි “රන් සපත්තුව” (Golden Boot) සම්මානය තමන් සතු කරගැනිමට කිලියන් එම්බාපේ (Kylian Mbappe) සමත්වෙයි.

මෙම “රන් සපත්තුව” (Golden Boot) සම්මානය සමඟින් කිලියන් එම්බාපේ (Kylian Mbappe) ලෝක කුසලාන ඉතිහාසය තුළ දෙවරක් රන් සපත්තුව දිනාගත් ලොව පළමු පාපන්දු ක්‍රීඩකයා ලෙස වාර්තා පොත් අතරට එක් විය.

2022 FIFA කටාර් ලෝක කුසලාන තරගාවලියේදී රන් සපත්තුව දිනාගත් කිලියන් එම්බාපේ (Kylian Mbappe) මෙලෙස පිට පිටම පැවැත්වුණු ලෝක කුසලාන තරගාවලි දෙකකදීම මෙම සම්මානය තමන් සතු කර ගැනීම විශේෂත්වයකි.

ලෝක කුසලාන පාපන්දු තරගාවලියේ අවසාන මහා තරගයේදී 1-0ක් ලෙස ආර්ජන්ටිනාව පරාජයට පත්කරමින් ලෝක පාපන්දු ශූරතාව දිනා ගැනීමට ස්පාඤ්ඤ සමත් විය. 

පසුගිය 2010 වසරේ දකුණු අප්‍රිකාවේදී ප්‍රථම වරට ලෝක කුසලානය දිනාගත් ස්පාඤ්ඤය, වසර 16කට පසුව සිය දෙවන FIFA ලෝක කුසලාන කිරුළ මෙලෙස හිමිකර ගැනීමට සමත් විය.

මෙම තියුණු තරගයේ නියමිත කාලය අවසන් වනවිට දෙපිළම ගෝල ලබා ගැනීමට අසමත් වූ අතර තරගයේ තීරණය අතිරේක කාලය දක්වා ඇදී ගියේය.

අතිරේක කාලයේ 106 වන මිනිත්තුවේදී ස්පාඤ්ඤ ඉදිරිපෙළ ක්‍රීඩක ෆෙරාන් ටෝරස් ලබාගත් සුපිරි ගෝලයත් සමඟ ස්පාඤ්ඤය තරගයේ පෙරමුණ ගත්තේය. 

තරගයේ 90+3 වන මිනිත්තුවේදී ආර්ජන්ටිනා මධ්‍යපෙළ ක්‍රීඩක එන්සෝ ෆර්නැන්ඩස් පිටියෙන් ඉවත් කරනු ලැබු අතර අනතුරුව ආර්ජන්ටිනාවට ක්‍රීඩකයින් 10 දෙනෙකුගෙන් තරග කිරීමට සිදුවිය.

කෙසේ වෙතත් ලියොනෙල් මෙසී ප්‍රමුඛ ආර්ජන්ටිනා පිල තරගය පුරා උත්සාහයන් කිහිපයක්ම ගත්තද, ස්පාඤ්ඤ ආරක්ෂක පෙළ සහ ගෝල් රකින්නා අභිබවා යාමට ඔවුන්ට නොහැකි විය.

ඉරානයට නව ප්‍රහාර මාලාවක් එල්ල කිරීමට අමෙරිකානු ජනාධිපති ඩොනල්ඩ් ට්‍රම්ප් එරට හමුදාවන්ට නියෝග කර ඇත.

ඉරානය විසින් ජෝර්දානයේ පිහිටි අමෙරිකානු කඳවුරකට එල්ල කළ ප්‍රහාරයකින් අමෙරිකානු හමුදා සාමාජිකයින් දෙදෙනෙකු මියයාමත් සමඟ ජනාධිපති ඩොනල්ඩ් ට්‍රම්ප් මෙම තීරණය ගෙන ඇත.

ඉරානය එල්ල කළ එම බැලස්ටික් මිසයිල සහ ඩ්‍රෝන ප්‍රහාරවලින් හමුදා සාමාජිකයින් දෙදෙනෙකු මියගොස් හතර දෙනෙකු තුවාල ලබා තවත් අයෙකු අතුරුදහන් වී ඇති බව විදෙස් මාධ්‍ය වාර්තා කරයි.

මේ අතර අමෙරිකාව විසින් ඉරාන පාලම් සහ බලශක්ති පද්ධතිවලට පහරදීම හේතු කරගනිමින් ඉරානය, අසල්වැසි රටවල පිහිටි අමෙරිකානු කඳවුරු වලට ප්‍රහාර එල්ල කළේය.

එංගලන්තය මෙවර 2026 FIFA ලෝක කුසලාන පාපන්දු තරගාවලියේ තුන්වැනි ස්ථානය දිනා ගත්තේය.

ඒ අනුව තෙවන ස්ථානය සඳහා කිලියන් එම්බාප්පේ ප්‍රමුඛ ප්‍රංශය සමග පැවැති තරගය ගෝල 6ට 4ක් ලෙස ජයගැනීමට එංගලන්ත කණ්ඩායම සමත් විය.

මයැමි ක්‍රීඩාංගනයේදී පැවැති මෙම තරගය නැරඹීම සඳහා හැට හතර දහසකට අධික ප්‍රේක්ෂක පිරිසක් එක්ව සිටියහ.

තරගයේ පළමු අර්ධය එංගලන්තය ගෝල 4ට 0ක් ලෙස පෙරමුණ ගත් අතර දෙවැනි අර්ධයේදී ඔවුන් තවත් ගෝල 2ක් රැස් කළේය.

ප්‍රංශය දෙවැනි අර්ධයේදී ගෝල 4ක් රැස් කළද එය ජයග්‍රාහණයට ප්‍රමාණවත් නොවීය.

ඒ අනුව තෙවන ස්ථානය සඳහා පැවති තරගය ගෝල 6ට 4ක් ලෙස ජයගනිමින් එංගලන්තය පාපන්දු ලෝක කුසලානයේ තෙවන ස්ථානයට පත්විය.

ඉරානය මේ දක්වා සිය ප්‍රතිචාර සීමාකර ඇති නමුත් පවතින යුද්ධය අතරතුර සාකච්ඡා කිරීමේ ප්‍රතිපත්තිය තවදුරටත් අනුගමනය නොකරන බව ඉරාන ජ්‍යෙෂ්ඨ හමුදා උපදේශක මොසෙන් රෙසායි සඳහන් කරයි.

අමෙරිකාව තවදුරටත් ඉරානයට එරෙහි ප්‍රහාර අඛණ්ඩව සිදු කළහොත්, එය පූර්ණ පරිමාණ යුද්ධයක් දක්වා වර්ධනය විය හැකි බවද ඉරාන ජ්‍යෙෂ්ඨ හමුදා උපදේශක මොසෙන් රෙසායි සඳහන් කරයි.

තවද අමෙරිකාව විසින් ඉරානයට එල්ල කරන ප්‍රහාර දිගටම පැවතුණහොත් ඉරානයේ ප්‍රතිචාර තවදුරටත් දැඩි විය හැකි බවද ඉරාන ජ්‍යෙෂ්ඨ හමුදා උපදේශක මොසෙන් රෙසායි සඳහන් කරයි.

ජෝර්දානයට එල්ල කළ ඉරාන මිසයිල සහ ඩ්‍රෝන ප්‍රහාරවලින් අමෙරිකානු සෙබළුන් දෙදෙනෙකු ජීවිතක්ෂයට පත්ව තවත් අයෙකු අතුරුදන්ව ඇති බව විදෙස් මාධ්‍ය වාර්තා කරයි.

ඉරාන බැලැස්ටික් මිසයිල සහ ඩ්‍රෝන ප්‍රහාර හමුවේ මෙම සෙබළුන් දෙදෙනා ජීවිතක්ෂයට පත්ව ඇති බවත් අමෙරිකානු සේවා සාමාජිකයින් සිව් දෙනෙකුද ප්‍රහාර හමුවේ තුවාල ලබා ඇති බවද අමෙරිකානු මධ්‍යම අණදෙන විධානය සඳහන් කරයි.

මේ අතර ඉරානය විසින් එල්ල කළ බැලැස්ටික් මිසයිල 10ක් විනාශ කළ බව ⁣ජෝර්දාන හමුදාව සඳහන් කරයි.

රුසියාවේ අන්තර්ජාල සිල්ලර වෙළඳ සමාගම වන ‘Wildberries’ හි ගබඩා දෙකකට යුක්‍රේනය විසින් ඩ්‍රෝන ප්‍රහාර එල්ල කර ඇත.

මොස්කව් නුවරට ගිනිකොණ දෙසින් පිහිටි තම්බොව් නගරයේ ගබඩාවට එල්ල වූ ප්‍රහාරයෙන් පුද්ගලයන් 7 දෙනෙකු මියගොස් 25 දෙනෙකු තුවාල ලබා ඇත.

මොස්කව් කලාපයේ පිහිටි එලෙක්ට්‍රොස්ටල් නගරයේ ගබඩාවට එල්ල වූ ප්‍රහාරයෙන් එක් අයෙකු මියගොස් 37 දෙනෙකු තුවාල ලබා ඇත.

ඉරානය එල්ල කරන මිසයිල සහ ඩ්‍රෝන ප්‍රහාර හේතුවෙන් කුවේට් ජාත්‍යන්තර ගුවන් තොටුපොළේ ගුවන් යානා ගමන් වාර සියල්ල තාවකාලිකව නතර කර ඇත.

ගුවන් කටයුතු නවතා දැමීම හේතුවෙන් කුවේට් නිල ගුවන් සේවය වන කුවේට් එයාවේස් මඟින් ඔවුන්ගේ ගුවන් ගමන් වෙනත් වේලාවන් වෙත වෙනස් කර ඇත.

එනිසා ගුවන් මගීන්ට තම ගුවන් ගමන්වල නවතම තත්ත්වය පිළිබඳව අවධානයෙන් සිටින ලෙස ගුවන් සමාගම දැනුම්දීමක් කර ඇත.

මේ අතර කුවේට් ඛනිජ තෙල් සංස්ථාවේ තෙල් පිරිපහදු සංකීර්ණයකට නැවතත් ඉරාන ප්‍රහාර එල්ල වූ බව කුවේට් රාජ්‍ය ප්‍රවෘත්ති ඒජන්සිය සඳහන් කරයි.

පැවැත්වීමට නියමිත 2026 ලෝක කුසලාන පාපන්දු තරඟාවලියේ අවසන් මහා තරඟය පිළිබඳව අමෙරිකාවේ ධවල මන්දිරය සහ FIFA නිලධාරීන් අතර හදිසි සාකච්ඡාවක් පැවැත්වීමට නියමිතව ඇත.

පවතින දැඩි දුම් කුණාටු තත්ත්වය හේතුවෙන් නිව්යෝර්ක් නගරය ආසන්නයේ පවතින අහිතකර තත්ත්වය මත අමෙරිකාවේ ධවල මන්දිරය සහ FIFA නිලධාරීන් අතර මෙම හදිසි සාකච්ඡාව කැඳවා ඇත.

කැනඩාවේ හටගෙන ඇති සිය ගණනක් ලැව්ගිනි හේතුවෙන් සමස්ත උතුරු අමෙරිකානු කලාපය පුරාම සෞඛ්‍යයට අතිශය අහිතකර සහ දූෂිත දුම් පටලයක් වේගයෙන් ව්‍යාප්ත වෙමින් පවතින බව විදෙස් මාධ්‍ය වාර්තා කරයි.

එම අධික වායු දූෂණය හේතුවෙන් නිව්යෝර්ක්, ඩෙට්‍රොයිට්, චිකාගෝ සහ වොෂින්ටන් ඩී.සී. යන නගරවල වායු ගුණාත්මකභාවය මේ වනවිට පහළ ගොස් ඇති බවද විදෙස් මාධ්‍ය වාර්තා කරයි.

මේ අතර කැනඩාව පුරා ව්‍යාප්තවන ලැව් ගිනි හේතුවෙන් අමෙරිකාවේ බොහෝ ප්‍රාන්ත දුමාරයෙන් වැසි යාම පදනම් කරගනිමින් කැනඩාවට පනවා ඇති බදු ප්‍රතිශත තවදුරටත් ඉහළ දමන බවට ජනපති ඩොනල්ඩ් ට්‍රම්ප් අනතුරු ඇඟවීම් නිකුත් කර ඇත.