Foreign news

ට්‍රම්ප්ගේ දේශපාලන සිතියම ඉරා දමයි.. පාලනය අවසන්

ට්‍රම්ප්ගේ දේශපාලන සිතියම ඉරා දමයි.. පාලනය අවසන්

අමෙරිකාවේ මධ්‍යවාර මැතිවරණයේ ප්‍රතිඵල අනුව, එරට කොංග්‍රසයේ (පාර්ලිමේන්තුවේ) සෙනෙට් මණ්ඩලයේ බහුතරය ජනාධිපති ඩොනල්ඩ් ට්‍රම්ප්ට අහිමි වී ඇත.

ඒ අනුව ඉදිරි වසර කිහිපය සඳහා අමෙරිකානු දේශපාලනයේ වෙනසක් සමගින් ඩිමොක්‍රටික් පාක්ෂිකයන් ජනාධිපති ඩොනල්ඩ් ට්‍රම්ප්ගේ දේශපාලන සිතියම ඉරා දමා ඇත.

ජනාධිපති ඩොනල්ඩ් ට්‍රම්ප්ගේ දෙවන ධූර කාලයෙන් අඩක් ගත වූ පසු, ඩිමොක්‍රටික් පාක්ෂිකයන් දැන් නියෝජිත මන්ත්‍රී මණ්ඩලයේ තීරණාත්මක පාලනය ලබා ඇති අතර සෙනෙට් සභාවේ බහුතරයක් නැවත ලබාගෙන ඇත.

ටෙක්සාස්, දකුණු කැරොලයිනා සහ කැන්සාස් යන ජනපද ඩිමොක්‍රටික් පක්ෂය සතුවීමත් සමග මෙසේ සෙනෙට් සභාවේ බලය, ට්‍රප්ගේ රිපබ්ලිකන්වරුන්ගෙන් ගිලිහුණු බව පැවැසෙයි.

බිහිසුණු දුම්රිය අනතුරින් 69ක් මරුට.. ඇමති ඉල්ලා අස්වෙයි

බිහිසුණු දුම්රිය අනතුරින් 69ක් මරුට.. ඇමති ඉල්ලා අස්වෙයි

බිහිසුණු දුම්රිය අනතුරකින් පුද්ගලයන් 69 දෙනෙකු මියගොස් තවත් 200ක පිරිසක් තුවාල ලැබීම හේතුවෙන් ස්පාඤ්ඤයේ ප්‍රවාහන අමාත්‍ය ඔස්කාර් පුඑන්තේ සිය ධුරයෙන් ඉල්ලා අස්වී ඇත.

පසුගිය මස (28) වැනිදා මැඩ්රිඩ් නගරයට දකුණින් පිහිටි උර්ඩා ප්‍රදේශයේදී ධාවනය වෙමින් තිබූ අධිවේගී දුම්රියක් නතර කර තිබූ තවත් දුම්රියක පිටුපස ගැටීමෙන් මෙම අනතුර සිදුව ඇත.

දුම්රිය ආරක්ෂාව සම්බන්ධයෙන් රජයට දැඩි විවේචන එල්ල වීම හේතුවෙන් ප්‍රවාහන අමාත්‍යවරයා පාර්ලිමේන්තුවේදී කරුණු පැහැදිලි කිරීමෙන් අනතුරුව සිය ඉල්ලා අස්වීම ප්‍රකාශයට පත් කළේය.

බිහිසුණු ගුවන් අනතුරින් මගීන් සියලුම දෙනා මරුට.. ලොවම කම්පා කළ අවසන් වචනය

බිහිසුණු ගුවන් අනතුරින් මගීන් සියලුම දෙනා මරුට.. ලොවම කම්පා කළ අවසන් වචනය

ඇමෙරිකා එක්සත් ජනපදයේ ෆ්ලොරිඩා ප්‍රාන්තයේදී පෞද්ගලික ජෙට් යානයක් පාම් බීච් (Palm Beach County) හි ජනාවාස කලාපයකට කඩා වැටීමෙන් එහි ගමන් ගත් සියලු දෙනාම ජීවිතක්ෂයට පත්ව ඇති බව විදෙස් මාධ්‍ය වාර්තා කරයි.

එම යානය බිහිසුණු අනතුරට ලක්වීමට පෙර යානය තුළ පුද්ගලයින් නව දෙනෙකු සිට ඇති අතර අනතුරෙන් පසුව එම සියලුම දෙනා ජීවිතක්ෂයට පත්ව ඇති බව විදෙස් මාධ්‍ය වාර්තා කරයි.

ටෙක්සාස් ප්‍රාන්තයේ ඔස්ටින්-බර්ග්ස්ට්‍රෝම් ජාත්‍යන්තර ගුවන්තොටුපළෙන් ගමන් ආරම්භ කර තිබූ ‘ලියර්ජෙට් 60’ වර්ගයේ මෙම පෞද්ගලික ගුවන් යානය බහමාස් රාජ්‍යයේ නෝර්ත් එලුතෙරා ගුවන්තොටුපළ බලා පියාසර කරමින් තිබියදී මෙම අනතුරට මුහුණ පා ඇත.

අනතුර සිදුවූ වහාම ක්‍රියාත්මක වූ සහන සේවා සහ ආපදා කළමනාකරණ කණ්ඩායම් එම ස්ථානයට ළඟා වී ඇති අතර ආරක්ෂක පියවරක් ලෙස අවට පදිංචිකරුවන් 600 කට ආසන්න පිරිසක් වහාම එම ප්‍රදේශයෙන් ඉවත් කිරීමට පියවර ගෙන ඇත.

යානය ගොඩබිම පිහිටි ජනාවාසයක් මතට පතිත වුවද, පොළොව මට්ටමේ සිටි කිසිදු ප්‍රදේශවාසියෙකුට ජීවිත හානි සිදුව නොමැති බව බලධාරීහු තහවුරු කරයි.

ගුවන් අනතුරට මොහොතකට පෙර පටිගත වූ ගුවන් ගමනාගමන පාලන ශ්‍රව්‍ය දත්තවල, ගුවන් යානය විනාඩියකට අඩි 10,000ක (මීටර් 3,048ක) වේගයකින් පහළට ගමන් කරමින් තිබූ බව ගුවන් යානා නියමු කුටියේ සිටි අයෙකු පවසන හඬ ඇසෙයි.

ඉන්පසු එම කාර්ය මණ්ඩල සාමාජිකයා හදිසි තත්වයක් ප්‍රකාශ කරමින්, “අපේ වේගය සීමාව ඉක්මවා ගොස් තිබෙනවා, අපි විනාඩියකට අඩි 20,000ක වේගයකින් පහළට කඩා වැටෙමින් සිටිනවා” යැයි කෑගසනු ඇසෙන අතර ඉන් අනතුරුව ඔහු “අපි දැන් පොළොවේ ගැටෙන්නයි යන්නේ” යැයි පවසයි.

මුල්ම හදිසි අනතුරු ඇඟවීම (mayday call) සිදු කර තත්පර 35කට පමණ පසු, ගුවන් යානා නියමු කුටියෙන් ඇසුණු අවසන් ප්‍රකාශය වූයේ “අපට තවදුරටත් කාලය ඉතිරි වී නැහැ” යන්නයි.

නේපාලයේ ගැඹුරුම විලේ ලස්සන බලන්න ගිය සංචාරකයින් 6ක් අතුරුදන්

නේපාලයේ ගැඹුරුම විලේ ලස්සන බලන්න ගිය සංචාරකයින් 6ක් අතුරුදන්

නේපාලයේ ගැඹුරුම විල “ෂේ ෆොක්සුන්දෝ” (Shey Phoksundo) නැරඹීමට ගිය ඉන්දියානු සංචාරකයින් 06 දෙනෙකු අතුරුදන්ව ඇති බව විදෙස් මාධ්‍ය වාර්තා කරයි.

එලෙස අතුරුදන් වූවන් අතර පිරිමි සංචාරකයින් 04 දෙනෙකු සහ කාන්තාවන් 02 දෙදෙනෙකු ඇතුළත් වන බවද විදෙස් මාධ්‍ය වාර්තා කරයි.

නේපාලයේ දොල්පා දිස්ත්‍රික්කයේ නුමා ලා සහ බගා ලා කඳුකර මාර්ග හරහා ගමන් කරමින් සිටියදී මොවුන් සමඟ පැවැති සන්නිවේදන සබඳතා සම්පූර්ණයෙන්ම ඇනහිට ඇති බව වාර්තා වේ.

පවතින අයහපත් කාලගුණය සහ මාර්ගවල පවතින අවදානම් සහගත තත්ත්වය පිළිබඳව ප්‍රදේශවාසීන් විසින් සපයන ලද අනතුරු ඇඟවීම් නොසලකා එම පිරිස මෙම සංචාරයේ නිරත වී ඇති බව වාර්තා වේ.

තෙල් නෞකාවකට හෝමූස් සන්ධියේදී ප්‍රහාරයක්

තෙල් නෞකාවකට හෝමූස් සන්ධියේදී ප්‍රහාරයක්

ඉන්දීය නාවිකයන් 27 දෙනෙකු රැගත් තෙල් ප්‍රවාහන නෞකාවකට හෝමූස් සමුද්‍ර සන්ධියේදී ප්‍රහාරයක් එල්ල කර ඇති බව විදෙස් මාධ්‍ය වාර්තා කරයි.

කුඩා බෝට්ටුවකින් පැමිණ පිරිසක් අදාළ නෞකාව වෙත ළඟා වී එහි බඳ කොටසට පුපුරණ ද්‍රව්‍ය දෙකක් සවිකර පුපුරවා ඇති බවට විදෙස් මාධ්‍ය වාර්තා කරයි.

මෙම ප්‍රහාරයෙන් නෞකාවේ එන්ජින් කාමරයේ ගින්නක් හටගෙන ඇති අතර පසුව නෞකාව තාවකාලිකව අක්‍රිය වී ඇති බව විදෙස් මාධ්‍ය වාර්තා කරයි.

කෙසේ වෙතත් එම නෞකාවේ සිටි ඉන්දීය නාවිකයන් 27 දෙනාම ආරක්ෂිතව සිටින බවත් කිසිවෙකුටත් තුවාල සිදුවී නොමැති බව ඉන්දීය රජය තහවුරු කරයි.

නාවිකයන්ගේ ආරක්ෂාව සහ සුබසාධනය තහවුරු කිරීම සඳහා ඉන්දීය රජය අදාළ නෞකාව කළමනාකරණය කරන සමාගම සමඟ සමීප සම්බන්ධීකරණයෙන් කටයුතු කරන බවට ඉන්දීය වරාය, නාවික හා ජල මාර්ග අමාත්‍යවරයා ප්‍රකාශ කර ඇත.

ඉරාන කොන්දේසි ඉටු කරන තෙක් හෝමූස් විවෘත කරන්නේ නෑ

ඉරාන කොන්දේසි ඉටු කරන තෙක් හෝමූස් විවෘත කරන්නේ නෑ

ඉරානය විසින් ඉදිරිපත් කළ කොන්දේසි සම්පූර්ණයෙන් ඉටු කරන තුරු හෝමූස් සමුද්‍ර සන්ධිය විවෘත නොකරන බව ඉරාන විප්ලවවාදී ආරක්ෂක බලකායේ (IRGC) ප්‍රකාශක හොසේන් මොහෙබි සඳහන් කරයි.

එක්සත් ජනපදය ඉරානයේ ඉල්ලීම් වලට එකඟ වන තුරු මෙම උපායමාර්ගික මුහුදු මාර්ගය වසා තබන බව ප්‍රකාශක හොසේන් මොහෙබි අවධාරණය කර ඇත.

හෝමූස් සමුද්‍ර සන්ධිය මේ වනවිට ඉරාන සන්නද්ධ හමුදාවන්ගේ උපායමාර්ගික පාලනය යටතේ පවතින බවත් ඉරානයේ කොන්දේසි සම්පූර්ණයෙන් ඉටු කරන තුරු එය විවෘත නොකරන බවද ප්‍රකාශක හොසේන් මොහෙබි සඳහන් කරයි.

වෙලාවක් කියන්නේ නෑ.. ඉරානයට දැවැන්ත ප්‍රහාරයක්.?

වෙලාවක් කියන්නේ නෑ.. ඉරානයට දැවැන්ත ප්‍රහාරයක්.?

ඉරානයට එරෙහිව තවත් ප්‍රහාරයක් සිදු කිරීමට තමාට හැකි බව අමෙරිකානු ජනපති ඩොනල්ඩ් ට්‍රම්ප් සඳහන් කරයි.

එම ප්‍රහාරය හෙට දිනයේ වුවද එල්ල කිරීමට තමාට හැකි බවත් එල්ල විය හැකි කිසිදු මිලිටරි මෙහෙයුමක නිශ්චිත වෙලාවක් තමන් හෙළි නොකරන බවද ජනපති ඩොනල්ඩ් ට්‍රම්ප් සඳහන් කරයි.

කෙසේ වෙතත් ඉරානය සමග ප්‍රධාන ගිවිසුමකට එළඹීමට ඉඩ පවතින බවත් ඉරානය එකගතාවකට පැමිණේද.? නැද්ද.? යන්න පිළිබඳව තමාට නිශ්චිත විශ්වාසයක් නොමැති බවද ජනාධිපතිවරයා සඳහන් කරයි.

ඉරානය එකගතාවකට පැමිණියත්, නැතත් ජයග්‍රහණය කරන්නේ අමෙරිකාව බවද ජනාධිපතිවරයා තවදුරටත් සඳහන් කරයි.

හූති සටන්කාමීන් සෞදි අරාබියට බැලැස්ටික් මිසයිල 10ක් එල්ල කරයි

හූති සටන්කාමීන් සෞදි අරාබියට බැලැස්ටික් මිසයිල 10ක් එල්ල කරයි

හූති සටන්කාමීන් විසින් සෞදි අරාබියේ දකුණු ප්‍රදේශය ඉලක්ක කරමින් එල්ල කරන ලද බැලස්ටික් මිසයිල 10ක් උඩුගුවනේදී විනාශ කිරීමට සමත් වූ බව සෞදි අරාබිය සඳහන් කරයි.

හූති සන්නද්ධ කණ්ඩායම විසින් දකුණු කලාපය දෙසට එල්ල කරන ලද මිසයිල 10ක් හඳුනාගෙන විනාශ කළ බව සෞදි අරාබිය ප්‍රමුඛ සන්ධානයේ ප්‍රකාශක මේජර් ජෙනරාල් තුර්කි අල්-මාල්කි සඳහන් කරයි.

මේ අතර රතු මුහුදට පිවිසෙන ප්‍රධාන මුහුදු මාර්ගයක් වන බාබ් අල්-මන්දෙබ් සමුද්‍ර සන්ධිය ආසන්නයේ හූතිවරුන්ගේ පාලනය යටතේ පවතින වෙරළබඩ ප්‍රදේශ යළි අත්පත් කර ගැනීම සඳහා යේමන රජයේ හමුදා ප්‍රතිප්‍රහාර දියත් කර ඇත.

Meta සමාගමට වැඩ වරදී.. අධිකරණයෙන් නියෝග

Meta සමාගමට වැඩ වරදී.. අධිකරණයෙන් නියෝග

Facebook සහ Instagram ඇතුළු ලොව ජනප්‍රියම සමාජ මාධ්‍ය ජාලාවල මව් සමාගම වන “Meta” සමාගමට ඇමරිකානු නිව් මෙක්සිකෝ දිස්ත්‍රික් අධිකරණය විසින් (21) දින ඩොලර් බිලියන 25ක දැවැන්ත දඩයක් නියම කර ඇත.

Meta සමාගම Facebook පරිශීලකයින් නොමග යවමින් ඔවුන්ගේ දත්ත අනවසරයෙන් බෙදා හැර ඇති බවට වූ නඩුවක තීන්දුව ප්‍රකාශයට පත් කරමින් ඩොලර් බිලියන 25ක දඩයක් නියම කර ඇත.

Meta සමාගම ගෙවන දඩ මුදල ප්‍රාන්තයේ දරුවන්ගේ අධ්‍යාපනය සඳහා යෙදවීමටද අධිකරණය නියෝග කර ඇත.

පරිශීලක දත්ත කිසිඳු විටෙක පරිශීලකයින්ගේ අවසරයකින් තොරව තෙවන පාර්ශවයන් සමග බෙදා නොගන්නා බවට වසර ගණනාවක සිට Meta සමාගමේ නිලධාරීන් විසින් කරන ලද ප්‍රකාශ උපුටා දක්වමින්, නිව් මෙක්සිකෝ ප්‍රාන්තයේ නීතිපති Meta සමාගමට එරෙහිව අදාළ නඩුව පවරා තිබිණි.

පරිශීලක දත්ත පාලනය කළ ආකාරය සම්බන්ධයෙන් Meta සමාගමේ වංකභාවය හේතුවෙන් නිව් මෙක්සිකෝ ප්‍රාන්තයේ මිලියන දෙකක් පමණ වූ සමස්ත ජනගහනය බලපෑමට ලක් වූ බව, නීතිඥයින් අධිකරණය හමුවේ ප්‍රකාශ කළේය.

මාර්ක් සකර්බර්ග්ගේ Meta සමාගමට මෙතෙක් අධිකරණයකින් පනවා ඇති ඉහළම දඩ මුදල මෙය බව ව්දෙස් මාධ්‍ය වාර්තා කරයි.

ඉරානයෙන් බරපතල අනතුරු ඇඟවීමක්

ඉරානයෙන් බරපතල අනතුරු ඇඟවීමක්

ඉරාන ඉස්ලාමීය විප්ලවීය ආරක්ෂක බලකාය (IRGC) විසින් රටවල් කිහිපයකට අනතුරු ඇඟවීමක් කර ඇත.

ඒ අනුව ඉරානයට ප්‍රහාර එල්ල කරන ඕනෑම රටක් ආක්‍රමණය කරන බවට ඉරාන ඉස්ලාමීය විප්ලවීය ආරක්ෂක බලකාය (IRGC) අනතුරු අඟවා ඇත.

ඊශ්‍රායලය විසින් තම හමුදා ශක්තිය ප්‍රදර්ශනය කිරීම සඳහා ඉරානයේ බටහිර දේශසීමා ආසන්නයේ ප්‍රහාරක යානා අභ්‍යාස පවත්වා ඇති බව වාර්තා වන පසුබිමක මෙම තර්ජනය කර ඇත.

Follow WhatsApp Channel