Foreign news

නේපාලයේ බිහිසුණු ගංවතුර තත්ත්වය හේතුවෙන් මියගිය පුද්ගලයින් සංඛ්‍යාව 470 දක්වා ඉහළ ගොස් ඇති බව නේපාල පොලිසිය සඳහන් කරයි.

ත්‍රිශූලි ප්‍රදේශයේ උමඟක් තුළ සිරවී සිටි පුද්ගලයින් 450 දෙනාගෙන් වැඩි පිරිසක් ඇතුළුව සිය ගණනක් ආරක්ෂිතව මුදාගැනීමට සහන කණ්ඩායම් සමත්ව ඇත.

පසුගිය 2015 වසරේ සිදුවූ විනාශකාරී භූමිකම්පාවෙන් පසුව නේපාලය මුහුණ දුන් දරුණුතම ස්වාභාවික ව්‍යසනය මෙය ලෙස සැලකෙයි.

අපද්‍රව්‍ය හා මඩවලින් පිරී ගිය ත්‍රිශූලි ගඟ පිටාර ගැලීම හේතුවෙන් මාර්ග සහ වාහන රැසක් සම්පූර්ණයෙන්ම පාහේ වැළලී ගොස් ඇත.

නේපාලයේ හදිසි ගංවතුර තත්ත්වය හේතුවෙන් මියගිය පුද්ගලයින් සංඛ්‍යාව 389 දක්වා ඉහළ ගොස් ඇති බව නේපාල පොලීසිය සඳහන් කරයි.

නේපාල හමුදාව, සන්නද්ධ පොලිස් බළකාය සහ ජාතික පොලීසියට අයත් ආරක්ෂක නිලධාරීන් 13,000කට අධික පිරිසක් විපතට පත්වූවන් මෙහෙයුම් සඳහා යොදවා ඇති බව නේපාල අග්‍රාමාත්‍ය බාලේන්ද්‍ර ෂා සඳහන් කරයි.

ගුවනින් ගොස් පුද්ගලයින් 573 දෙනෙකු මුදාගෙන ඇති බවත් තාවකාලික සහන කඳවුරු ස්ථාපිත කර තුවාල ලැබූ ජනතාව සඳහා ප්‍රතිකාර ලබාදීමට කටයුතු කර ඇති බවද නේපාල අග්‍රාමාත්‍ය බාලේන්ද්‍ර ෂා සඳහන් කරයි.

නේපාලයේ සිදුවූ විනාශකාරී ජලගැලීම හේතුවෙන් මියගිය සංඛ්‍යාව 300ක් දක්වා ඉහළ ගොස් ඇති බව විදෙස් මාධ්‍ය වාර්තා කරයි.

මෙම ගංවතුර තත්ත්වයෙන් මේ වනවිට නේපාලයේ පුද්ගලයින් 800කට වැඩි පිරිසක් තවමත් අතුරුදහන් වී ඇති බවද විදෙස් මාධ්‍ය වාර්තා කරයි.

දේශසීමාවේ දෙපසම, විදේශිකයන් විශාල පිරිසක් අතුරුදහන් වී ඇති අතර නේපාලය පවසන්නේ, එයට ඉන්දියාවෙන් සංචාරකයින් 178ක්, නේපාලයෙන් 127ක්, අමෙරිකානුවන් 65ක් සහ එක්සත් රාජධානියෙන් 33ක් ඇතුළත් බවයි.

අතුරුදන් වූ පිරිස අතර චීන ජාතිකයන් 100ක් පමණ සිටින බවට චීන විදේශ අමාත්‍යාංශය තහවුරු කර ඇත.

මේ අතර ටිබෙටයේද අවම වශයෙන් පුද්ගලයින් 558 දෙනෙකු අතුරුදහන් වී ඇති බවත් තිදෙනෙකුගේ සිරුරු සොයාගෙන ඇති බවද විදෙස් මාධ්‍ය වාර්තා කරයි.

නේපාලයේ හදිසි ගංවතුර තත්ත්වය හේතුවෙන් මියගිය ගණන තවත් ඉහළ⁣ ගොස් ඇති බව විදෙස් මාධ්‍ය වාර්තා කරයි.

හදිසි ගංවතුරෙන් මියගිය පුද්ගලයින් සංඛ්‍යාව 157 දක්වා ඉහළ ගොස් ඇති බවත් 400කට අධික පිරිසක් අතුරුදන්ව ඇති බවද විදෙස් මාධ්‍ය වාර්තා කරයි.

නේපාල සහ ටිබෙට් දේශසීමාව ආසන්නයේ භූමිකම්පාවක් ඇති වීමත් සමඟ හිම කඳු නායගොස් හිම දිය වී බොටේ කොෂි නැමති ගංගාව එකවර පිටාර ගැලීමෙන් මෙම අනතුර සිදුව ඇත.

නේපාලයේ හදිසි ගංවතුර තත්ත්වය හේතුවෙන් රටවල් 28කට අයත් විදෙස් ජාතිකයින් ඇතුළු අතුරුදන් වූ සංඛ්‍යාව 579ක් දක්වා ඉහළ ගොස් ඇති බව විදෙස් මාධ්‍ය වාර්තා කරයි.

එලෙස අතුරුදන් වූ පිරිසෙන් 466 දෙනෙකු විදෙස් ජාතිකයින් වන අතර සංචාරකයින්ගෙන් 113ක් නේපාල ජාතිකයන්, අමෙරිකානු ජාතිකයින් 54ක් සහ බ්‍රිතාන්‍ය ජාතිකයින් 33ක් ඒ අතර සිටින බව වාර්තා වේ.

මෙම ගංවතුර තත්ත්වය හේතුවෙන් මේ වනවිට 100 දෙනෙකු මියගොස් ඇති බවද විදෙස් මාධ්‍ය වාර්තා කරයි.

පාකිස්ථානයේ ඉස්ලාමාබාද් නුවර පිහිටි Pakistan Institute of Medical Sciences (PIMS) රෝහලේ අලුත උපන් බිළිඳුන් රඳවා සිටි වාට්ටුවක ඇති වූ ගින්නකින් බිළිඳුන් 14 දෙනෙකු මියගොස් ඇති බව විදෙස් මාධ්‍ය වාර්තා කරයි.

මෙම ගින්න හටගන්නා අවස්ථාවේ එහි අලුත උපන් බිළිඳුන් 15 දෙනෙකු සිට ඇති අතර ඉන් එක් බිළිඳෙකු පමණක් බේරා ගැනීමට හැකි වී ඇති බව විදෙස් මාධ්‍ය වාර්තා කරයි.

වායු සමීකරණ යන්ත්‍රයක පිපිරීමක් ගින්නට හේතුව විය හැකි බවට මූලික තොරතුරු අනාවරණය වී ඇතත්, ගින්නට නිශ්චිත හේතුව පිළිබඳ පරීක්ෂණයක් ආරම්භ කර ඇති බවද විදෙස් මාධ්‍ය වාර්තා කරයි.

ගිනි නිවන භටයන් කඩිනමින් එම ස්ථානයට පැමිණ ගින්න පාලනය කර ඇති අතර පසුව රෝහල් පරිශ්‍රයේ සිසිලන කටයුතු සිදුකර ඇති බවද විදෙස් මාධ්‍ය වාර්තා කරයි.

මේ සම්බන්ධයෙන් වහාම පරීක්ෂණයක් පැවැත්වීමට පාකිස්තාන අගමැතිවරයා නියෝග කර ඇති අතර ඒ අනුව පැය 24ක් ඇතුළත වාර්තාවක් ඉදිරිපත් කිරීමට කමිටුවක් පිහිටුවා ඇත.

ඉරාන ජාතික ආරක්ෂක කවුන්සිල ප්‍රධානී මොෂෙන් රෙසායි (Mohsen Rezaei) රටවල් රැසකට අනතුරු ඇඟවීමක් සිදුකර ඇත.

ඉරානයට එරෙහිව අමෙරිකාව ක්‍රියාත්මක කරන ආර්ථික පීඩන වලට සහාය දක්වන ලොව ඕනෑම රටක් ඉරානයේ සතුරෙක් ලෙස සලකන බව ඉරාන ජාතික ආරක්ෂක කවුන්සිල ප්‍රධානී Mohsen Rezaei සඳහන් කරයි.

තම අසල්වැසි රටවල් අමෙරිකාව පනවන සම්බාධක ක්‍රියාමාර්ගය වලට සම්බන්ධ වුවහොත් හෝමූස් සමුද්‍ර සන්ධිය හරහා එකඳු තෙල් බිදක් අපනයනය කිරීමට ඉඩ නොදෙන බවද ආරක්ෂක කවුන්සිල ප්‍රධානී Mohsen Rezaei සඳහන් කරයි.

මූල්‍ය ආයතන, ව්‍යාපාර, ගුවන් තොටුපළ හෝ රජයේ ආයතන හරහා ඉරානයට සහය වීමට ඉඩ දෙන ඕනෑම විදෙස් රටක් බරපතල ආර්ථික ප්‍රතිවිපාක වලට මුහුණ දීමට සිදුවනු ඇති බව අමෙරිකානු ජනාධිපති ඩොනල්ඩ් ට්‍රම්ප් සඳහන් කරයි.

ඉන්ධන ජාවාරම්, මුදල් හුවමාරු, නෞකා ලියාපදිංචි කිරීම්, සහ ව්‍යාජ සමාගම් නිර්මාණය කරමින් ඉරානයට උපකාර කරන සියලු පාර්ශව එම කටයුතු නවතා දැමිය යුතු බවද ජනාධිපති ඩොනල්ඩ් ට්‍රම්ප් සඳහන් කරයි.

ඉරානය පරාජය කිරීමට අමෙරිකාවේ සියලුම මිත්‍ර රටවලට එක්වන්නැයි තමන් ඉල්ලා සිටින බවත් ආර්ථික විනාශකාරී මෙහෙයුම හරහා ලොව පුරා භීෂණය පැතිරවීමට ඉරානයට ඇති හැකියාව අඩපණ වනු ඇති බවද ජනාධිපති ඩොනල්ඩ් ට්‍රම්ප් සඳහන් කරයි.

ඉරානයට එරෙහිව අමෙරිකානු ජනාධිපති ඩොනල්ඩ් ට්‍රම්ප් නව මෙහෙයුමක් දියත්කර ඇති බව විදෙස් මාධ්‍ය වාර්තා කරයි.

ලොව ඕනෑම රටකට එරෙහිව මෙතෙක් දියත්කර ඇති “විනාශකාරීම ආර්ථික මෙහෙයුම” තමන් ඉරානයට එරෙහිව ආරම්භ කරන බව අමෙරිකානු ජනාධිපති ඩොනල්ඩ් ට්‍රම්ප් සඳහන් කර ඇත.

ඉරානය ආර්ථිකමය වශයෙන් දුර්වල කිරීමේ අරමුණින් මෙම නව මෙහෙයුම දියත් කරන බවද අමෙරිකානු ජනාධිපති ඩොනල්ඩ් ට්‍රම්ප් සඳහන් කර ඇත.

අද (20) අලුයම ටෘත් පණිවුඩයක් නිකුත් කරමින් අමෙරිකානු ජනාධිපති ඩොනල්ඩ් ට්‍රම්ප් මේ බව සඳහන් කර ඇත.

එකඟතාවයකට පැමිණීමට තමන් ඉරානයට ඕනෑ තරම් අවස්ථා ලබාදුන්නද ඉන් ප්‍රයෝජනයක් ගැනීමට ඉරානය අපොහොසත් වූ බවද අමෙරිකානු ජනාධිපතිවරයා සඳහන් කරයි.

ඉරාන නාවික සහ ගුවන් හමුදා සම්පුර්ණයෙන් විනාශ වී ඇති බවත් ඉරාන මුදල් ඒකකයද දැන් බිඳ වැටී ඇති බවද අමෙරිකානු ජනාධිපතිවරයා සඳහන් කරයි.

ඉරානය සමග පවතින සියලුම වෙළෙඳ කටයුතු වහාම ක්‍රියාත්මක වන පරිදි අත්හිටුවීමට එක්සත් අරාබි එමීර් (UAE) රාජ්‍යය තීරණය කර ඇත.

එක්සත් අරාබි එමීර් රාජ්‍යය ගත් මෙම තීරණයත් සමග ඉරානය ජාත්‍යන්තරය තුළ තවදුරටත් හුදකලා වනු ඇති බව විදෙස් මාධ්‍ය වාර්තා කරයි.

මේ අතර ඊයේ (18) දින රාත්‍රියේදී එක්සත් අරාබි එමීර් රාජ්‍යය වෙත ඉරානය දෙසින් ප්‍රහාරයක් එල්ල වීමේ අවදානමක් පවතින බවට අනතුරු අඟවමින්, ජනතාවට ආරක්ෂිත ස්ථාන කරා යන ලෙසට හදිසි නිවේදන නිකුත් කර ඇත.