04
Apr
අද (04) දින උදෑසන සිට රජයේ වෛද්ය නිලධාරීන්ගේ සංගමය ආරම්භ කළ වැඩවර්ජනය සඳහා විශේෂඥ වෛද්යවරුන් සහාය පළ නොකරන බව විශේෂඥ වෛද්යවරුන්ගේ සංගමය සඳහන් කරයි.
ඔවුන් සාමාන්ය පරිදි සිය රාජකාරී කටයුතු සිදු කරන අතර රෝහල්වල විශේෂ වෛද්ය සේවා අඛණ්ඩව පවත්වා ගෙන යන බවද එහි ලේකම් විශේෂඥ වෛද්ය R ඥානසේකරම් සඳහන් කරයි.
විශේෂඥ වෛද්යවරුන්ගේ සංගමය තුළ වෛද්යවරුන් 2,300ක් පමණ සිටින අතර සියලු දෙනාම සාමාන්ය පරිදි රාජකාරීවල නිරත වන බවද ඔහු සඳහන් කරයි.
ප්රතිපත්තියක් ලෙස විශේෂඥ වෛද්යවරුන් වැඩවර්ජන සඳහා සහභාගී නොවන බවත් පශ්චාත් පුහුණු විශේෂඥ වෛද්යවරුන් වර්ජනය සඳහා සහාය නොදක්වන බවද ඔහු සඳහන් කරයි.
