කුරුණෑගල මහ නගර සභාවේ නියෝජ්ය නගරාධිපතිවරයා රුපියල් ලක්ෂ 30ක අල්ලස් මුදලක් ලබාගැනීමට යෑමේදී, අල්ලස් කොමිසමේ නිලධාරීන් විසින් බත්තරමුල්ල ප්රදේශයේදී අත්අඩංගුවට ගෙන ඇත.
කුරුණෑගල බස් නැවතුම්පොළ පිරිසිදු කිරීමේ සහ පොදු වැසිකිළිය පිරිසිදු කිරීමේ ටෙන්ඩරය ලබාදීම සඳහා නියෝජ්ය නගරාධිපතිවරයා විසින් මෙම අල්ලස් මුදල ඉල්ලා ඇති බව වාර්තා වේ.
එම ටෙන්ඩරය ලබාදීම සඳහා රුපියල් ලක්ෂ 30ක් සහ මාසිකව රුපියල් ලක්ෂ 5 බැගින් ඉල්ලා ඇති අතර ඊට අයත් රුපියල් ලක්ෂ 30ක මුදල ලබාගැනීමට යාමේදී නියෝජ්ය නගරාධිපතිවරයා මෙලෙස අත්අඩංගුවට ගෙන ඇත.
සමස්ත ලංකා මහජන කොංග්රසය නියෝජනය කරමින් කුරුණෑගල මහ නගර සභාවට තේරී පත්වූ ඔහු බලය පිහිටුවීමේදී ජාතික ජන බලවේගයට සහාය ලබාදීමෙන් පසුව නියෝජ්ය නගරාධිපති ලෙස පත්වී ඇත.
අත්අඩංගුවට ගත් නියෝජ්ය නගරාධිපතිවරයා හෙට (09) දින අලුත්කඩේ මහේස්ත්රාත් අධිකරණයට ඉදිරිපත් කිරීමට නියමිතය.
