Local news

පොහොසත් රටක් – ලස්සන ජීවිතයක් ජාතික ප්‍රතිපත්තියට අනුකූලව “ප්‍රජා ශක්ති” දිළිදු බව තුරන් කිරීමේ ජාතික ව්‍යාපාරය ක්‍රියාත්මක කිරීම සඳහා 2025-02-24 දින පැවති අමාත්‍ය මණ්ඩල රැස්වීමේදී අනුමැතිය ලබාදී ඇත.

මෙම වැඩසටහන මහජන කේන්ද්‍රීය ව්‍යාපාරයක් ලෙස ක්‍රියාත්මක කරනු ලබන අතර ඒ සඳහා ජාතික ප්‍රතිපත්ති සභාවක් සහ ජාතික මෙහෙයුම් කමිටුවක් ස්ථාපිත කර ඇත.

අමාත්‍යාංශ, පළාත් සභා, දිස්ත්‍රික් ලේකම් කාර්යාල සහ ප්‍රාදේශීය ලේකම් කාර්යාල ඒකාබද්ධ ව්‍යුහයක් තුළ මෙම වැඩසටහන ක්‍රියාත්මක වන අතර, ග්‍රාමීය මට්ටමේ ගැටලු හඳුනා ගැනීම, වැඩසටහන් සැකසීම, ව්‍යාපෘති සැලසුම්කරණය, අධීක්ෂණය, ප්‍රගති සමාලෝචනය, සමාජ විගණනය මෙන්ම ක්‍රියාත්මක ව්‍යාපෘති පිළිබඳ පසු විපරම් කිරීම සඳහා ප්‍රජා දායකත්වය ලබා ගැනීම යන ක්‍රියාකාරකම් ඇතුළත්ව සමස්ත දිවයිනම ආවරණය කරනු ලබයි.

මෙම ජාතික ව්‍යාපාරයට සම්බන්ධ පාර්ශ්ව කරුවන් සමඟ පැවති සංවාද වලදී ඒ සඳහා පාර්ලිමේන්තු පනතක් මඟින් නෛතික බලගැන්වීමක් ලබා දීමේ අවශ්‍යතාව පෙන්වා දී ඇත.

ඒ අනුව “ප්‍රජා ශක්ති” දිළිදු බව තුරන් කිරීමේ ජාතික ව්‍යාපාරය ක්‍රියාත්මක කිරීමේ ක්‍රමවේදය නෛතිකව බලගැන්වීම පිණිස පනත් කෙටුම් පතක් සකස් කිරීම සඳහා නීති කෙටුම්පත් සම්පාදකට උපදෙස් දීම පිණිස ග්‍රාමීය සංවර්ධන, සමාජ ආරක්ෂණ සහ ප්‍රජා සවි බල ගැන්වීමේ අමාත්‍යවරයා ඉදිරිපත් කරන ලද යෝජනාවට අමාත්‍ය මණ්ඩලය විසින් අනුමැතිය ලබාදී ඇත.

ජනාධිපති අනුර කුමාර දිසානායක ඉන්දියාවේ AI Impact Summit 2026 සමුළුවට සහභාගි වීම සඳහා ඉන්දියාව බලා පිටත්ව ගියේය.

මෙම සමුළුවට සහභාගී වීම සඳහා ඉන්දීය අග්‍රාමාත්‍ය නරේන්ද්‍ර මෝදි විසින් ජනාධිපති අනුර කුමාර දිසානායක වෙත විශේෂ ආරාධනයක් කළේය.

කෘත්‍රිම බුද්ධිය මානව වර්ගයාගේ යහපත උදෙසා වගකීම් සහගතව භාවිත කිරීමේ අරමුණින් ඉන්දීය අග්‍රාමාත්‍ය නරේන්ද්‍ර මෝදිගේ ප්‍රධානත්වයෙන් මෙම සමුළුව පැවැත්වෙන අතර ජනාධිපති අනුර කුමාර දිසානායක ලබන (19) වනදා සමුළුව ඇමතීමට නියමිතය.

මෙම සමුළුවේදී කෘත්‍රිම බුද්ධි තාක්ෂණයේ අනාගත ගමන්මඟ සහ ගෝලීය අභියෝග ජය ගැනීමට එය භාවිත කළ හැකි ආකාරය පිළිබඳ දීර්ඝ ලෙස සාකච්ඡා කිරීමට නියමිතය.

මෙම ඉන්දියානු සංචාරය අතරතුර ජනාධිපතිවරයා ඉන්දීය අග්‍රාමාත්‍ය නරේන්ද්‍ර මෝදි ඇතුළු රාජ්‍ය නායකයන් කිහිප දෙනෙකු සමඟ ද්විපාර්ශ්වික සාකච්ඡා පැවැත්වීමටද නියමිතය.

දින 05ක් පුරා පැවැත්වෙන සමුළුව සඳහා රටවල් 20ක රාජ්‍ය නායකයන් සහ රටවල් 45කට වැඩි සංඛ්‍යාවක නියෝජිතයන් සහභාගි වීමට නියමිතය.

ජින්තුපිටියේදී පසුගිය (14) වැනිදා සිදුවූ වෙඩි තැබීම සම්බන්ධව පොලිස් නිලධාරීන් දෙදෙනෙකු අත්අඩංගුවට ගෙන ඇත.

එම වෙඩි තැබීම සිදුවූ අවස්ථාවේ රාජකාරි පැහැර හැරීම සම්බන්ධයෙන් ජංගම මුර සංචාරයේ යෙදී සිටි පොලිස් නිලධාරීන් දෙදෙනෙක් අත්අඩංගුවට ගෙන ඇත.

පාර්ලිමේන්තු මන්ත්‍රීවරුන්ට විශ්‍රාම වැටුපක් තිබිය යුතු බව සමගි ජන බලවේග නායක, විපක්ෂ නායක සජිත් ප්‍රේමදාස සඳහන් කරයි.

විපක්ෂ නායක සජිත් ප්‍රේමදාස අද (17) දින පාර්ලිමේන්තුවේදී සඳහන් කළේ,

“විශේෂයෙන්ම අපි සෘජුවම මේ අවස්තාවේ එකක් කියන්න කැමතියි. අපි විශ්වාස කරනවා පාර්ලිමේන්තු මන්ත්‍රීවරුන්ට විශ්‍රාම වැටුපක් තිබිය යුතුයි කියන කාරණාව. ඒ පදනමේ අපි බොහොම ශක්තිමත්ව ඉන්නවා. ඒක ගැන අපි සෘජුවම ප්‍රකාශ කරනවා.”

“අපි ඉන්නවා පාර්ලිමේන්තු මන්ත්‍රීවරුන්ගේ විශ්‍රාම වැටුප ක්‍රියාත්මක විය යුතුයි කියන ස්ථාවරයේ. එසේ ඉන්න ගමන් ඊටත් වැඩිය වැදගත් වන මේ රටේ හත් ලක්ෂ පනස්දාහක් විශ්‍රාමිකයින්ගේ ගැටලු වලට, ඌනතාවයන් වලට, විෂමතාවයන් වලට විසදුම් ලබාදෙන්න කියලා අපි ඉල්ලීමක් කරනවා.”

අද (17) දිනයේ සිට ලබන (26) වැනිදා දක්වා පළාත් කිහිපයක වැසි තත්ත්වයේ වැඩිවීමක් අපේක්ෂා කරන බව කාලගුණ විද්‍යා දෙපාර්තමේන්තුව සඳහන් කරයි.

බෙංගාල බොක්කේ ගැඹුරු මුහුදු ප්‍රදේශයේ ශ්‍රී ලංකාවට ගිනිකොන දෙසින් අඩු පීඩන තත්ත්වයක් නිර්මාණය වී ඇති බව එම දෙපාර්තමේන්තුවේ අනාවැකි අංශයේ අධ්‍යක්ෂ මෙරිල් මෙන්ඩිස් සඳහන් කරයි.

ඒ අනුව අද සිට ඉදිරි දිනවල උතුරු, උතුරුමැද, මධ්‍යම, ඌව සහ නැගෙනහිර පළාත්වල වැසි තත්ත්වයේ වැඩිවීමක් අපේක්ෂා කරන බව කාලගුණ විද්‍යා දෙපාර්තමේන්තුව සඳහන් කරයි.

උතුරු, උතුරුමැද, මධ්‍යම, ඌව සහ නැගෙනහිර පළාත්වලත් හම්බන්තොට දිස්ත්‍රික්කයේත් විටින් විට වැසි ඇති වන බව කාලගුණ විද්‍යා දෙපාර්තමේන්තුව සඳහන් කරයි.

මධ්‍යම, ඌව සහ නැගෙනහිර පළාත්වල සහ පොළොන්නරුව  දිස්ත්‍රික්කයේ ඇතැම් ස්ථාන වලට මිලිමීටර් 75ට වැඩි තරමක් තද වැසි ඇති විය හැකි බවද කාලගුණ විද්‍යා දෙපාර්තමේන්තුව සඳහන් කරයි.

සෙසු ප්‍රදේශවල ප.ව 1.00න් පසු තැනින් තැන වැසි හෝ ගිගුරුම් සහිත වැසි ඇති විය හැකි අතර ඇතැම් ස්ථානවලට මිලිමීටර් 75 පමණ තරමක් තද වැසි ඇතිවිය හැකි බව එම දෙපාර්තමේන්තුව සඳහන් කරයි.

හිටපු පාර්ලිමේන්තු මන්ත්‍රී විජිත් විජයමුණි සොයිසා අද (17) උදෑසන පොලිස් මූල්‍ය අපරාධ විමර්ශන කොට්ඨාසය (FCID) වෙත පැමිණ ඇත.

අමාත්‍ය මණ්ඩල තීරණයක් සම්බන්ධයෙන් ප්‍රකාශයක් ලබාදීම සඳහා පොලිස් මූල්‍ය අපරාධ විමර්ශන කොට්ඨාසය වෙත කැඳවා තිබූ බව විජිත් විජයමුණි සොයිසා සඳහන් කරයි.

ඉන්දීය අග්‍රාමාත්‍ය නරේන්ද්‍ර මෝදිගේ විශේෂ ආරාධනය අනුව ජනාධිපති අනුර කුමාර දිසානායක AI Impact Summit 2026 සඳහා සහභාගි වීමට අද (17) පස්වරුවේ ඉන්දියාව බලා පිටත්ව යාමට නියමිතය.

කෘත්‍රිම බුද්ධිය මානව වර්ගයාගේ යහපත උදෙසා වගකීම් සහගතව භාවිත කිරීමේ අරමුණින් ඉන්දීය අග්‍රාමාත්‍ය නරේන්ද්‍ර මෝදිගේ ප්‍රධානත්වයෙන් මෙම සමුළුව පැවැත්වෙන අතර ජනාධිපති අනුර කුමාර දිසානායක ලබන (19) වනදා සමුළුව ඇමතීමට නියමිතය.

දින 05ක් පුරා පැවැත්වෙන සමුළුව සඳහා රටවල් 20ක රාජ්‍ය නායකයන් සහ රටවල් 45කට වැඩි සංඛ්‍යාවක නියෝජිතයන් සහභාගි වීමට නියමිතය.

එමෙන්ම, මෙම සමුළුවේදී කෘත්‍රිම බුද්ධි තාක්ෂණයේ අනාගත ගමන්මඟ සහ ගෝලීය අභියෝග ජය ගැනීමට එය භාවිත කළ හැකි ආකාරය පිළිබඳ දීර්ඝ ලෙස සාකච්ඡා කිරීමට නියමිතය.

මෙම ඉන්දියානු සංචාරය අතරතුර ජනාධිපතිවරයා ඉන්දීය අග්‍රාමාත්‍ය නරේන්ද්‍ර මෝදි ඇතුළු රාජ්‍ය නායකයන් කිහිප දෙනෙකු සමඟ ද්විපාර්ශ්වික සාකච්ඡා පැවැත්වීමටද නියමිතය.

ආණ්ඩුක්‍රම ව්‍යවස්ථාවේ 121.1 වගන්තිය යටතේ අභියෝගයට ලක් කරන ලද ‘පදිංචිකරුවන් ආරක්ෂා කිරීම’ සහ ‘කුලී අවලංගු කිරීම’ යන පනත් කෙටුම්පත් සම්බන්ධයෙන් විධිමත් තීරණයක් ගැනීමේ අවශ්‍යතාවයක් නොමැති බව ශ්‍රේෂ්ඨාධිකරණය තීරණය කර ඇති බව කථානායක ආචාර්ය ජගත් වික්‍රමරත්න අද (17) දින පාර්ලිමේන්තුවේදී ප්‍රකාශ කළේය.

ඊයේ (16) සීගිරිය, පිදුරංගල මාර්ගයේදී වන අලියෙකු පහරදීම හේතුවෙන් විදේශීය ජාතිකයෙකු ජීවිතක්ෂයට පත්ව තිබේ.

වයස අවුරුදු 68ක්වූ හංගේරියානු ජාතිකයෙක් මෙලෙස ජීවිතක්ෂයට පත්ව ඇතැයි වාර්තා වෙයි.

සිදු කරන ලද මූලික විමර්ශනවලදී අනාවරණය වී ඇත්තේ අදාළ පුද්ගලයා සහ ඔහුගේ බිරිඳ පා ගමනින් සීගිරිය පිදුරංගල මාර්ගයේ ගමන් කරමින් සිටින අවස්ථාවේ මෙලෙස වන අලි ප්‍රහාරයකට ලක්ව ඇති බවයි.

සීගිරිය පොලිස් ස්ථානය විසින් සිද්ධිය සම්බන්ධයෙන් වැඩිදුර විමර්ශන සිදු කරයි.