අද (11) ලෝක වෙළෙඳපොළේ බොරතෙල් මිල යළිත් වරක් ඉහළ ගොස් ඇත.
ඒ අනුව බ්රෙන්ට් වර්ගයේ බොරතෙල් බැරලයක් ඩොලර් 104.1ක් ලෙස සටහන්ව ඇති අතර ඩබ්ලිව්.ටී.අයි. වර්ගයේ බොරතෙල් බැරලයක් ඩොලර් 98.51ක් ලෙස සටහන්ව ඇත.
මැදපෙරදිග යුද්ධය අවසන් කිරීම සඳහා වන අමෙරිකානු යෝජනා වලට ඉරානය ලබාදුන් ප්රතිචාරය සම්පූර්ණයෙන්ම පිළිගත නොහැකි බව අමෙරිකානු ජනාධිපති ඩොනල්ඩ් ට්රම්ප් සඳහන් කරයි.
සිය Truth Social ගිණුමේ සටහනක් තබමින් අමෙරිකානු ජනාධිපති ඩොනල්ඩ් ට්රම්ප් මේ බව සඳහන් කරයි.
“ඉරානයේ නියෝජිතයන්ගෙන් ලැබුණු ප්රතිචාරය මම දැන් කියෙව්වා. මම ඒකට කැමති නැහැ. එය සම්පූර්ණයෙන්ම පිළිගත නොහැකියි.”
ඉරානයේ යෝජනාවට, යුද්ධය වහාම අවසන් කිරීම, අමෙරිකානු නාවික අවහිර කිරීම් නැවැත්වීම සහ ඉරානයට තවදුරටත් ප්රහාර එල්ල නොකරන බවට සහතික වීම ඇතුළත් බව වාර්තා වේ.
අමෙරිකානු යෝජනාවට, ඉරානයේ න්යෂ්ටික බලශක්ති සාරවත් කිරීම අත්හිටුවීම, සම්බාධක ඉවත් කිරීම සහ හෝමූස් සමුද්ර සන්ධිය හරහා නිදහස් ප්රවාහනය යළි ස්ථාපිත කිරීම වැනි විධිවිධාන ඇතුළත් බව වාර්තා වේ.
තමිල්නාඩු 17 වන මහ ඇමති තලපති විජේ වැඩ භාරගත් පළමු දිනයේම සිය ප්රධාන සුභසාධන යෝජනා ක්රම තුනකට අත්සන් තබා ඇත.
*කාන්තා ආරක්ෂාව වෙනුවෙන් ‘Singappen Athiradi Padai’
තමිල්නාඩුව පුරා කාන්තා ආරක්ෂාව සහතික කිරීම අරමුණු කරගත් ‘Singappen Athiradi Padai’නමින් නව විශේෂ කාන්තා ආරක්ෂක ඒකකයක් දියත් කළේය.
ඒ අනුව ප්රාන්තයේ සියලුම ප්රදේශවල කාන්තා ආරක්ෂාව ශක්තිමත් කිරීම සඳහා මෙය ක්රියාත්මක වනු ඇත.
*නොමිලේ විදුලි ඒකක 200ක්
තමිල්නාඩුවේ නිවාස සඳහා මාස දෙකකට වරක් නොමිලේ විදුලිය ඒකක 200ක් ලබා දෙන යෝජනා ක්රමයක් අනුමත කළේය.
දැනට පාරිභෝගිකයින්ට නොමිලේ විදුලි ඒකක 100ක් ලැබෙන යෝජනා ක්රමයට අමතරව මෙම පියවර ගෙන ඇත.
*සෑම දිස්ත්රික්කයකටම මත්ද්රව්ය නාශක ඒකකයක්
මත්ද්රව්ය වලින් තොර තමිල්නාඩුවක් නිර්මාණය කිරීමේ සහ තරුණයින් මත්ද්රව්ය භාවිතයෙන් ආරක්ෂා කිරීමේ උත්සාහයේ කොටසක් ලෙස, තමිල්නාඩුවේ සෑම දිස්ත්රික්කයකම මත්ද්රව්ය විරෝධී ඒකක පිහිටුවීමේ නියෝගයකට අත්සන් තැබීය.
දිවුරුම් දීමේ උත්සවය අතරතුර නව මහ ඇමති තලපති විජේ සඳහන් කළේ,
“මම ඔබේ පවුලේ කෙනෙක්. මම ඉන්ද්රජාලිකයෙක් හෝ දේව චරිතයක් නොවේ. යථාර්ථවාදීව කළ හැකි දේ මම කරනවා. තමිල්නාඩුව විශාල ණය බරකින් පෙළෙනවා. රාජ්ය භාණ්ඩාගාරය සම්පූර්ණයෙන්ම සිඳී ගිහින්.
අපි මුලින්ම තමිල්නාඩුවේ තත්ත්වය පිළිබඳ වාර්තාවක් ජනතාවට ඉදිරිපත් කරනවා. මම රහසිගතව කිසිවක් කරන්නේ නැහැ. සියල්ල විනිවිද පෙනෙන ලෙස කරනවා. මගේ රජයට යම් කාලයක් ලබා දෙන්න.
මත්ද්රව්ය අනිසි භාවිතයට එරෙහිව දැඩිව පියවර ගන්නවා. තරුණයින් මත්ද්රව්යවලින් ආරක්ෂා කිරීම මගේ ප්රමුඛතාව. තමිල්නාඩුවේ කෝටි 8ක ජනතාවම මට එකයි. මිතුරන් හෝ සතුරන් වේවා, සියල්ලෝම මගේ ජනතාව.
මම කිසි විටෙකත් මහජන මුදල් වැරදි ලෙස භාවිතා කරන්නේ නෑ. මගේ පරිපාලනය තුළ දූෂණයට ඉඩක් නෑ. මේ විජේ කවදාවත් වැරදි කරන්නේ නැහැ. මාත් එක්ක ආණ්ඩුවේ ඉන්න අය පවා වැරදි කළොත් බේරෙන්නේ නැහැ.”
තමිල්නාඩු ප්රාන්ත මැතිවරණය ජයගත් (TVK) පක්ෂයේ නායක, ජනප්රිය නළු ජෝසප් විජේ චෙන්නායිහි ජවහල්ලාල් නේරු ක්රීඩාංගණයේදී ආණ්ඩුකාරවරයා ඉදිරියේදී ප්රාන්ත මහ ඇමති ධුරයේ අද (10) දින දිවුරුම් දුන්නේය.
තමිල්නාඩු ප්රාන්ත මැතිවරණයේ අවසන් ප්රතිඵල අනුව ජය ගැනීමට ජෝෂප් විජේ සමත් වුවත් ඉන්දීය ප්රාන්ත බලය තහවුරු කරගැනීමට අවශ්ය වූ ආසන සංඛ්යාව සපුරා ගැනීමට ඔහුට නොහැකි විය.
ඒ අනුව ඉන්දීය ජාතික කොංග්රසය, VCK පක්ෂය, ඉන්දීය කොමියුනිස්ට් පක්ෂය සහ ඉන්දීය මාක්ස්වාදී කොමියුනිස්ට් පක්ෂය විජේගේ TVK පක්ෂය සමග එක්වීමත් සමගින් ඔහුට අවශ්ය වූ ආසන සංඛ්යාව සම්පූර්ණ විය.
අමෙරිකානු ප්රහාරක නෞකා 3ක් ඉලක්ක කර ඉරානය විසින් ප්රහාර එල්ල කර ඇති බව විදෙස් මාධ්ය වාර්තා කරයි.
හෝමුස් සමුද්ර සන්ධිය හරහා යාත්රා කරමින් තිබූ USS Truxtun, USS Rafael Peralta සහ USS Mason යන අමෙරිකානු ප්රහාරක නෞකා ඉලක්ක කර එම ප්රහාරය එල්ල වී ඇති බව විදෙස් මාධ්ය වාර්තා කරයි.
එම ප්රහාරය තහවුරු කරමින් අමෙරිකානු හමුදාව ප්රකාශ කර ඇත්තේ, තම ආත්ම ආරක්ෂාව සහ ඊට ප්රතිප්රහාර ලෙස ඉරාන හමුදා මධ්යස්ථාන වෙත ප්රහාර එල්ල කළ බවයි.
කෙසේ වෙතත් එල්ල වූ ඉරාන ප්රහාර වලින් අමෙරිකානු යුද නෞකා වලට කිසිදු හානියක් සිදුව නොමැති බව විදෙස් මාධ්ය වාර්තා කරයි.
අද (08) දින ලෝක වෙළෙඳපොළේ බොරතෙල් මිල යළිත් ඉහළ ගොස් ඇත.
බ්රෙන්ට් වර්ගයේ බොරතෙල් බැරලයක් 1.59%කින් ඉහළ ගොස් ඇති අතර එහි නව මිල අමෙරිකානු ඩොලර් 101.65ක් ලෙස සටහන්ව ඇත.
WTI බොරතෙල් බැරලයක් 1.95%කින් ඉහළ ගොස් ඇති අතර එහි නව මිල අමෙරිකානු ඩොලර් 96.66ක් ලෙස සටහන්ව ඇත.
මර්බන් බොරතෙල් බැරලයක මිල අමෙරිකානු ඩොලර් 96.66ක් ලෙස සටහන්ව ඇත.
ගාසා තීරය පුරාම පවතින දැඩි සාගින්න සහ මානුෂීය අර්බුදය සම්බන්ධයෙන් එක්සත් ජාතීන්ගේ සංවිධානය යළිත් වරක් අනතුරු අඟවා ඇත.
සහන සේවා ක්රියාත්මක වුවද මිලියන සංඛ්යාත ජනතාවකට ප්රමාණවත් ආහාර ලබාගැනීමට නොහැකි වී ඇති බවද එම සංවිධානය සඳහන් කරයි.
ගාසා වැසියන්ගෙන් සැළකිය යුතු පිරිසක් දිනකට එක් වේලකින් පමණක් යැපෙන බවත් වගාබිම් සහ අත්යවශ්ය සේවා වෙත ප්රවේශ වීමට ජනතාවට දැඩි බාධා එල්ල වී ඇති බව එක්සත් ජාතීන්ගේ මාධ්ය ප්රකාශක ස්ටෙෆාන් ඩූජරික් සඳහන් කරයි.
ගාසා තීරයේ වෙසෙන මිලියන දෙකකට අධික ජනතාව මේ වනවිට භූමියෙන් අඩකටත් වඩා අඩු ප්රමාණයකට සීමා වී සිටින බව මානුෂීය කටයුතු සම්බන්ධීකරණ කාර්යාලය සඳහන් කරයි.
සටන් විරාමයක් ප්රකාශයට පත් කර මාස හයකට වැඩි කාලයක් ගත වුවද රට තුළ මන්දපෝෂණ මට්ටම ඉහළ යමින් පවතින බවද ලෝක ආහාර වැඩපිළිවෙළ අවධාරණය කරයි.
දෛනිකව ආහාර වේල් ලක්ෂ සංඛ්යාත ප්රමාණයක් ලබාදුන්නද පවතින අධික මිල ගණන් හේතුවෙන් නැවුම් ආහාර ලබාගැනීම ජනතාවට සිහිනයක් වී පවතියි.
සටන් විරාමයෙන් අනතුරුව හිස්බුල්ලා සටන්කාමීන් ඉලක්ක කර ලෙබනනයේ බේරූට් වෙත ඊශ්රායලය ප්රහාර එල්ල කර ඇතැයි විදෙස් මාධ්ය වාර්තා කරයි.
හිස්බුල්ලා සංවිධානයේ මූලස්ථානයක් වන බේරූට් නගරයේ දහියෙහ් (Dahieh) ප්රදේශය වෙත මෙම ප්රහාර එල්ල කර ඇති අතර එම ප්රහාර හේතුවෙන් විශාල ගින්නක් හටගෙන ඇත.
හිස්බුල්ලා සංවිධානයේ රඩ්වාන් බළකායේ අණදෙන නිලධාරියෙකු ඉලක්ක කර එල්ල කළ මෙම ප්රහාරය තමන් පෞද්ගලිකව අනුමත කළ බව ඊශ්රායල අගමැති බෙන්ජමින් නෙතන්යාහු සඳහන් කරයි.
යළිත් හෝමූස් සමුද්ර සන්ධිය විවෘත කිරීම සඳහා වන එකඟතාවන්ට ඉරානය එකඟ නොවන්නේ නම්, එරටට එල්ල කරන බෝම්බ ප්රහාර ඉතා ඉහළ මට්ටමකින් සහ දැඩි තීව්රතාවයකින් ආරම්භ කරන බව අමෙරිකානු ජනාධිපති ඩොනල්ඩ් ට්රම්ප් සඳහන් කරයි.
දැනට එකඟ වී ඇති කොන්දේසි වලට ඉරානය එකඟ වන්නේ නම් පමණක් දැනට ක්රියාත්මක යුදමය තත්ත්වය අවසන් වන බවද අමෙරිකානු ජනාධිපති ඩොනල්ඩ් ට්රම්ප් සඳහන් කරයි.
සිය ‘Truth Social’ ගිණුමේ සටහනක් තබමින් අමෙරිකානු ජනාධිපති ඩොනල්ඩ් ට්රම්ප් මේ බව සඳහන් කරයි.