Foreign news

ඉරානයේ ටෙහෙරානය වෙත එල්ල කළ ප්‍රහාර වලින් ඉරානය අදූරදර්ශී ලෙස මෙහෙයවූ හමුදා නායකයින් රැසක් ඝාතනය කර කළ බව අමෙරිකානු ජනාධිපති ඩොනල්ඩ් ට්‍රම්ප් සඳහන් කරයි.

ටෙහෙරානයට එල්ල කළ දරුණු ප්‍රහාර වලින් තවත් ඉලක්ක රැසක් විනාශ වූ බවද අමෙරිකානු ජනාධිපති ඩොනල්ඩ් ට්‍රම්ප් සඳහන් කරයි.

සිය සමාජ මාධ්‍ය ගිණුමෙහි සටහනක් තබමින් අමෙරිකානු ජනාධිපති ඩොනල්ඩ් ට්‍රම්ප් මේ බව සඳහන් කරයි.

ඉරාන හමුදාව විසින් බිම හෙළු අමෙරිකානු ප්‍රහාරක ජෙට් යානයේ සිටි ගුවන් නියමුවා අල්ලා ගැනීමට සහයෝගය ලබාදෙන පුද්ගලයින්ට ඉරාන රජය ත්‍යාගයක් ලබා දෙන බවට දැනුම්දීමක් කර ඇත.

ගුවන් නියමුවා අල්ලා ගැනීමට උදව් කරන ඕනෑම පුරවැසියෙකුට අමෙරිකානු ඩොලර් 66,000ක ත්‍යාගයක් ලබාදෙන බව ටෙහෙරාන් රජය ඉරාන වැසියන්ට පොරොන්දුවක් ලබාදී ඇත.

මේ අතර ඉරානයේ ඉස්ලාමීය විප්ලවවාදී ආරක්ෂක බලකාය විසින් අතුරුදහන් වූ අමෙරිකානු නියමුවා සෙවීම සඳහා විශේෂ වැඩපිළිවෙලක් ක්‍රියාත්මක කර ඇත.

රුසියාව විසින් යුක්‍රේනයට එල්ල කළ ප්‍රහාරයකින් පුද්ගලයින් 5 දෙනෙකු මියගොස් තවත් පුද්ගලයින් 21 දෙනෙකු තුවාල ලබා ඇති බව විදෙස් මාධ්‍ය වාර්තා කරයි.

දකුණු යුක්‍රේනයේ වෙළෙඳපොළකට මෙම ගුවන් ප්‍රහාරය එල්ල කර ඇති බවද විදෙස් මාධ්‍ය වාර්තා කරයි.

මේ අතර දින දෙකකට පෙර යුක්‍රේනයට එල්ල කළ ප්‍රහාරයෙන් සිවිල් පුද්ගලයින් 15 දෙනෙකු ජීවිතක්ෂයට පත්ව ඇති බවද විදෙස් මාධ්‍ය වාර්තා කරයි.

ඉරානයේ බුෂේහ්ර් (Bushehr) න්‍යෂ්ටික බලාගාරය අසලට ප්‍රහාරයක් එල්ලවී ඇති බව ගෝලීය න්‍යෂ්ටික නිරීක්ෂණ ආයතනය සඳහන් කරයි.

මේ සම්බන්ධය සිය කනස්සල්ල පළ කරන අතර විකිරණ මට්ටම්වල වැඩිවීමක් වාර්තාවී නොමැති බවද එම ආයතනය එක්ස් ගිණුමෙහි සටහනක් තබමින් සඳහන් කරයි.

න්‍යෂ්ටික බලාගාර ස්ථාන සහ අවට ප්‍රදේශ කිසි විටෙකත් පහර නොදිය යුතු බවට ගෝලීය න්‍යෂ්ටික නිරීක්ෂණ ආයතනය අවධාරණය කර ඇත.

අමෙරිකාව ඉදිරිපත් කළ පැය 48ක සටන් විරාම යෝජනාව ඉරානය විසින් ප්‍රතික්ෂේප කර ඇති බව විදෙස් මාධ්‍ය වාර්තා කරයි.

කලාපය තුළ සිටින අමෙරිකානු හමුදාවන්ට සහ ඔවුන්ගේ මූලස්ථාන වලට ඉරානයෙන් එල්ල වන දැඩි ප්‍රහාර හමුවේ ඔවුන් දැඩි අසීරුතාවයට පත්ව සිටිම හේතුවෙන් අමෙරිකාව එම යෝජනාව ඉදිරිපත් කර ඇතැයි ඉරාන මාධ්‍ය වාර්තා කරයි.

කුවේට්හි බුබියාන් දූපතේ පිහිටි අමෙරිකානු හමුදා ඉන්ධන ගබඩාවකට එල්ල වූ ප්‍රහාරයෙන් පසු අමෙරිකාව මෙම සටන් විරාමය සඳහා උනන්දු වී ඇති බවද ඉරාන මාධ්‍ය වාර්තා කරයි.

සටන් විරාමය ප්‍රතික්ශේප කළ බවට යුද පිටියේදී පෙන්වු බවත් සටන් විරාම යෝජනාවෙන් පසුවද අමෙරිකානු ඉලක්ක වෙත ප්‍රහාර තීව්‍ර කළ බව ඉරාන බලධාරීන් සඳහන් කරයි.

ඉරානය එල්ල කළ ප්‍රහාරයකින් බිම හෙළු අමෙරිකානු ප්‍රහාරක ජෙට් යානයේ සිටි ගුවන් නියමුවා සෙවීම සඳහා ඉරානය මේ වනවිට මෙහෙයුමක් ආරම්භ කර ඇත.

දකුණු ඉරානයේදී බිම හෙළු ‘F-15’ වර්ගයේ ප්‍රහාරක ජෙට් යානයේ සිටි ගුවන් නියමුවන්ගෙන් එක් අයෙකුට දිවි බේරා ගැනීමට හැකිවිය.

කෙසේ වෙතත් මේ වනවිට අතුරුදන් නියමුවාට කුමක් සිදුවී ඇත්දැයි මෙතෙක් කිසිදු තොරතුරක් වාර්තා වී නොමැත.

මේ අතර හෝමූස් සමුද්‍ර සන්ධිය අසල ඉහළ අහසේදී අමෙරිකානු A-10 වර්ගයේ යානයකටද මිසයිල ප්‍රහාරයක් එල්ල කර බිම හෙලා ඇත.

එම ප්‍රහාරය එල්ල වනවාත් සමග ගුවන් නියමුවා ඉන් පිටතට පැන දිවි බේරාගෙන ඇති අතර ඔහු සොයා ඉරාන හමුදාව මෙහෙයුමක් ආරම්භ කර ඇති බවද වාර්තා වේ.

අමෙරිකානු A-10 වර්ගයේ යානයකට ඉරාන ආරක්ෂක අංශ විසින් මිසයිල ප්‍රහාරයක් එල්ල කර යානය බිම හෙලා ඇත.

හෝමූස් සමුද්‍ර සන්ධිය අසල ඉහළ අහසේදී මෙම යානය ප්‍රහාරයට ලක්ව ඇති බවත් එම යානයේ ගුවන් නියමුවා ඉන් පිටතට පැන දිවි බේරාගෙන ඇති බව වාර්තා වේ.

මෙම ප්‍රහාරයට ලක්ව ඇත්තේ ඉරානය විසින් බිමහෙළු F-15 ප්‍රහාරක ජෙට් යානයේ සිටි ගුවන් නියමුවා සෙවීම සඳහා ගමන්ගත් යානයකි.

කුවේට් ජාතික තෙල් සමාගමට (KPC) අයත් මිනා අල් අහමදි (Mina al-Ahmadi) පිරිපහදුව ඉලක්ක කර ගනිමින් ඩ්‍රෝන ප්‍රහාරයක් එල්ල කර ඇත.

ප්‍රහාරයෙන් පසු ඇති වූ විශාල ගින්න මැඩපැවැත්වීම සහ තත්ත්වය පාලනය කිරීම සඳහා හදිසි සහන සේවා කණ්ඩායම් දැඩි පරිශ්‍රමයක් දරා ඇත.

මෙම ප්‍රහාරයත් සමඟ කුවේට් ගුවන් ආරක්ෂක අංශ විසින් එරට දෙසට පැමිණි මිසයිල සහ ඩ්‍රෝන යානා කිහිපයක් අතරමගදී විනාශ කිරීමට පියවර ගෙන ඇත.

ප්‍රහාරය හේතුවෙන් තෙල් පිරිපහදුවේ මෙහෙයුම්වලට බාධා එල්ල වී ඇති නමුත් මෙතෙක් ජීවිත හානි පිළිබඳව වාර්තා වී නොමැත.

Artemis II ඔරියන් කැප්සියුලයේ සිටින ගගනගාමීන් විසින් ලබාගත් පෘථිවියේ පළමු ඡායාරූප පෙළ නාසා ආයතනය නිල වශයෙන් මුදාහැර ඇත.

නාසා ආයතනය විසින් සිය “X” ගිණුම ඔස්සේ “ඒ අපි” යන ශීර්ෂ පාඨය සමඟ එම ඡායාරූපය පළ කර ඇත.

යානයේ ගමන් කරන ගගනගාමීන් සිය පළමු දින අවසානයේ අත්දැකීම් හුවමාරු කරගැනීමට වීඩියෝ ඇමතුමක් මඟින් නාසා ආයතනය හා සම්බන්ධ විය.

ඒ අනුව ගගනගාමීන් සිව්දෙනාම නිරෝගීව සිටින අතර යානය ද හොඳින් ක්‍රියා කරන බව නාසා ආයතනය සඳහන් කරයි.

ඉරානයට ඉහළින් අහසේ පියාසර කළ අමෙරිකානු ප්‍රහාරක ජෙට් යානයක් ඉරාන හමුදාව විසින් වෙඩිතබා බිම හෙළා ඇත.

සිද්ධිය සම්බන්ධයෙන් පෙන්ටගනය සහ එක්සත් ජනපද මධ්‍යම අණදෙන නිලධාරියා ප්‍රතිචාර දක්වා නොමැත.